朗聲四起

Sasoqbung nga Bunun palcicia qanup tu iniqumican, minihan qanun mapikundoq tastuluhluh tu is’ang, matas’i kaskun mapiszang tu iliniskinan, patanam mindudu’az uvava’az miqumic tu teklac.

Maqabas maca cima’aq qa sidoq tangus i’ita qanup pa, naita a sacia ki qanupan ta, asa tu masumsum diqanin tu na’i’iti qanup, natudipin maqtu qanup, maqat qanupan tastusidoq pavazun tu i’ica qa qanupan, samu qalmang munhan ica duma qanupan qanup, asa tu pintuza’ a temicia, na tudip maqtu mun’ita’ qanup. Kopa bananaz za maqtu sunu’an sacia ki qanupan.

Maca heza’ qenupan na ni tu anakun, asa maqusil li tec’an qanusil titi, kopin toqnaz bungu sapa vaqa’ pisukdu’un. Opa ituskun na qanupan na, opa kabahi’ a na taqu’an ni madadengaz tu namaqtu qanup, natutip heza’ a bahi’, pangqa asa maqusil li tec’an, maca qanup pa piszangun na qenupan paqusil, sintupa tu kaskun manahip patuqumic.

Macia Bunun na mindudu’az za, adasun tupa qanup, nataqu’an itu qanup tu teklac, pasaqalan cikopa ka ismut lukic tu maca maqtu konun maca maqtu ikma’e’un, sadu diqanin, saqal qanupan tu dala, saqal dapan cin sin’unata’ i tesmumut, taqu’an makuaq han ludun libus miqumic, nausiza’an ni itubunun qaqanup tu iniliskinan, namaqtu maqanciap han dalaq ti miqumic.

Itu Put cin Tolu tu iniliskan, matasi hulicu, mapindikla imita Bunun qanupan tu iniliskinan, taqdutan ata qanup, pis’uka itu bunun kaskun tu iniqumican, pindikla kuszang cin paqusil tu iniliskinan, mis’uka’in na itu Bunun anak’anak. iniliskinan tu iniqumican.

「狩獵」對布農族有重要的社會意義，如「共享」及「訓練」。獵場分屬氏族，其他氏族嚴禁進入其他家族獵場，除非徵得該獵場家族同意。

對捕獲之獵物布農族的觀念中，獵物分享是代表共同歡悅，互相祝福的表現。藉著參加狩獵學習如何與大自然相處，將狩獵文化傳授，得以保存下來，從狩獵認識各種植物，分辨各種動物的糞便與腳印，學習在山林生存的方法，孕育出族人與自然和諧的關係。