朗聲四起

Itiya ho mikocong ho a mitilid, maraod to ko tosaay a folad a pahanhan a mitiliday to kaciherangan. I’ayaw no kailisnan a dadaya, milongoc papihakelong minokay mikapot to ilisin no niyaro’ ko wina no mako. Adihay ko tatiliden itiya, nika caayay kanga’ay a mina’ay. Dafak maratar mikalic to cinamalay, kalahokan tangasa to i loma’ ni ama. Keriden to no wina kako tala kakeroan, pasifana’en to nira kako to serangawan no ilisin a demak, pasifana’en ho nira kako to piperok a masakero, nika nisowalan nira awa ko cecacecay a maparo i fongoh ako.

Ira ko limecedan ato pakarongay mihatatanam a masakero i kalikodaan, tangasa kami itira papikapot ko wina ako cangranan masakero, caay ka kahi kako. Wata ko keter no wina ako to kaca pitengil to sowal nira, orasaka malaliyang kami a tatosa. Sowal han no mako ko wina ako,“ Naw patangic han kako to ka’osian no mako a demak ” paca’of sa cingra, “ Caayay ko patangic ako kisowanan konini, nawhani, onini i, o tada tatamorongen no malaPangcahay konini, mara’od to ko mihecaan iso, orasaka onini i, todongay to o tato’oren no miso. Naw no caayay ka kahi kiso saw ? ”      “ Caayay ka itini masofoc mato’as kako ” han no mako a somowal, “ Cima kiso? Na icowaay kiso ” saan a maketer, “ Naw patangic han kako? ” hanako a langiwngiw ko wina ako ya naikoran nira a mikaketer.  

Dadaya sato makakayakayat to to ’alomanay a masakero, satapang saho sa’ifecang sa ko wa’ay ato tatelecan, ikor to sakowaming sato, o faloco’ to ako salipahak sato. Itini i kalikodaan to a manengneng ko kalacecay a marikec no finacadan, ya keter no faloco’ mafasaw to, mahapinang to no mako koya sowal ni ama. Makafana’ to ako ko katadamaan no serangawan , no Pangcah, malasaka kadofah to no ’orip ako. Miaray kako to pikerid no wina ako i takowanan a mikapot to ilisin no niyaro’.

媽媽帶我去祭場，和我講述豐年祭的點滴，教導大會舞蹈，要我一起跳，我拒絕了。傍晚，外婆要我試穿她做的衣服。外婆說：「我將財富交給你，你要好好珍惜它！」我很震驚，只是一件祭典穿的衣服，為何那麼重視？我想起母親的話－你是誰？你從哪裡來？

晚上和大家手牽手跳舞，腰和腳從僵硬到柔軟，內心開始明白外婆說的話。我領悟豐年祭是阿美族獨有的文化，生命因此豐富完整。感謝媽媽帶我參加部落豐年祭。