朗聲四起

O tada fangcalay a sowal, o roma i, manga’ay a mafalic ko ’orip no tamdaw, o roma i, manga’ay saka palal no caay ka talipaelal a tamdaw. Tahacowa ka tata’ak ko ’icel no tadafangcalay a sowal sao? Eeng o mafana’ay a mitengil a tamdaw ko mamafana’. O roma i, ca ko masamanay a palimo’ot a sowal, malasakafalic no tamdaw a tahada’oc.

Itiya ho ira ko cecay a kapah tadamafana’ay citanengay a tamdaw, cifaloco’ to masamaanay a demakan, maemin ta’elifen, kikakaen no mako ko cimacima a tamdaw saan cingra, malacitanengay awa:ay to ko caay kafana’ i takowanan saan ko faloco’ nira. Nikaorira, mata’elif to ko pinapina no mihecaan, tadafang:cal ko mitayalan nira to romaromaan a demak. Nika, o sakacitaneng nira awa ko tongatongal no fana’, sacanaar sato ko faloco’ nira a miharateng. Yo cecay a romi’ad, tayra cingra misalongoc to tadamaanay citanengay a singsi. “ Ta! talalotok kita, samaanen a midemak ano saan, tahira to i tokos no lotok fana’ sato kiso. ” han noya singsi a pasowal cingra.

Dafak, lomowad to cangra talalotok, nika nengneng han kora lalan sakatalalotok adihay ko ma’edilay lami’emiay mimingay a fokeloh, tada papienep to tamdaw. Paka’araw cingra to kaolahan nira a fokeloh, papiparoen to noya singsi i sofok koyoden ningra. Caho caho katenes matomes to koya sofok, caayay to pakahadidi mikoyod cingra toya sofok. Sa langiwngiw sa a somowal, “ Singsiaw, koyoden koyoden tahiraen i sasinang no lotok sa kiso, itini ho caayay to paka’orong. ” Pameceng pameceng han nira minengneng koya singsi. “ Hai, matiratira aca samaanen saw? ” sedi sa a matawa koya singsi. “ Pateli han! ” Han noya kapah a paca’of. “ A matira ko faloco’, ano ca patelien kakoyod han kora fokeloh, maan han macokacok talalotok saw? ” Tatawa han noya singsi a milicay.

’Enga sa koya kapah a masaenger, mato kafahalan sanay a talipaelal ko faloco’ nira, maherek miaray toya singsi tangsol to milaliw cingra. Ikor to, sarocor sato minanam to saka citaneng cingra so’elin kalamkam ko fana’ nira. Saka, ano ira ko patosokan no faloco’ no mita o tamdaw, ano caayay pitolas misa’icel, caayay pisawad, to’or han ko misafaloco’an ta marawis iso ko satakaraway i rakat no ’orip iso.

一位年輕人在許多方面做的都非常好。可是智慧一點都沒有增進，一天，他向大師求教。大師帶他去登山，山上有很多明亮透澈的小石頭，每見到他喜歡的石頭，大師就讓他裝進袋子裡。沒多久，袋子裝滿背不動了。大師問他該怎麼辦？他說；「該放下。」大師笑問：「那為什麼不放下？」年輕人忽覺心中一亮，向大師道謝離去。之後，一心做學問，進步飛快。其實，人只要心中鎖定一個目標，並為之堅持、努力、不放棄，就有可能登上人生的高峰。