朗聲四起

nokakoa pa am,  miyan do Jiratay so miketeh a mehakay, mangday do araraw kangay da do keysakan a mikala so kanen da. aciacileban no tao do to o teyraem am, macita na sira makarilaw a abo so kanen, am ori niraran na so raroa ka tazak, tovoin na o rakrakeh a tazak a someksek do rakrakeh, o ananak a am someksek do ananak. karahan am, meypaninid sira do nitacid a kawalan a mihekas do teyrahem. o mangay someksek do rakrakeh a tazak am, katenngan na karahet no iciakan no mehakay ang, so to na manmai a someksek do ananak. ori nisozi no ananak a tazak, so to na meysinaolii rana do teyngato.

nimiapo no kapasakay na so tazak no tao ri, mangday so araraw kahanam da do pipia kanekanen  a ka no iyakan da a asa ka vahay. am  mian so asa ka voko no ciring a nipaseksek na no tazak do katovong na do vahay “ji mo nita o likod no tomok.” o tao a katovong na do vahay am, abo o ileylanan na do ciring no tazak danga.

kadadayan na so araraw am o mina nimapasakay so tazak a inapo no Iranmeylek, maniring do Iratay ori am “ka mangday do araraw a omanam do ji a tenngi a kanen, ya abo o ya mo ilanan do dang? mi mo pala citahen do likod no tomok, no sisomozi o am, to mo ngaryagi am.”

ikadoa no araw am, nimicicinda o mehakay a mangay do takey,   aktoktowan na kanisomibo na rana no tazak am, misinaoli do vahay da, icingi na o likod no tomok am, nikaogto o macita na karam a ka no voley a maoran no miciamadadayan, amian so mitatala a maciarayo, amian so tominon a ka no mansahad do kanen a ka no iyakan, abo o ji ngiyangiyan do dang a akmey nikavalakan.

omrateng o tazak am, abo rana o ipanam na sira asa ka vahay, to na rana atenngi so niazyakan na jia, am karyagan no tao o tazak am, ji rana misinaoli o nakem no tazak a to na nalap do teyngato, am maneneseh rana o tao do kazikna na a omhahakaw.

從前漁人部落有兩兄弟靠撿拾維生。天神俯瞰憐憫兄弟，囑兩名仙女下凡，年輕弟弟腳踏實地娶了仙女，吃山珍海味生活無慮，唯一禁令「禁窺宗柱後」。

一位曾娶仙女的人，慫恿漁人男子去看宗柱後面，若仙女生氣朝她拍掌！夫趁妻上山後，去看宗柱後面，發現蛇鼠類造船釣鬼頭刀，織衣烹煮食物，令他難置信。妻返家無法端美食便知其因而動怒，未料夫對她拍掌，妻怒留下孩子飛回天上。自此夫勞苦工作心裡懊悔。