朗聲四起

Tosa^ folad ko pipahanhan no picodadan to lalood. Mamicomod to kako i ta-sye ano roma^ a mihecaan, saka awaay ko pipahanhan no mako itiya. I ka’ayaw no piilisinan a dadaya^, paci^ci^ saan ci ina^ ako a papihakelong a minokay i takowanan a mikihatiya to piilisin no niyaro’. Adihayay ta:to ko cacodaden saka, caay ka cifaloco’ kako to sakatayraaw. Nika o no dafakay a paliding ko kadakawan niyam. Tahira i loma’ no fayi^ ako, ‘aloman to ko malawinaay a malaholoholol. Herek no lahok, kayaten ni ina^ ko kamay ako a misarakarakat i taliyok no piilisinan. Itiya, pasifana’en ni ina^ kako to rayray no ilisin ato kero; samaanen ko kamay a makakayat, samaanen ko piwingawing, maanen ko ki’iwa’iw ko tatireng, ato mipalecad to wa’ay a miperok..., nikaorira awaawa^ micomod i tangal ako koya sowal ni ina^. I ka’ayaw no soraratan i, ira ko minanamay to kero^ a kay^ing itira. Tahira kami i, papikihatiyaen ni ina^ kako a masakero^, nika caay kakahi^ kako. Itiya mainget ci ina^ ako, macacoli^ to aca^ kami. “ Enaw paci^ci^ han kako a papinanam to kaka’osian ako a demak? ” han ako cingra.

“ Caay ko pipaci^ci^ tisowanan konini a demak, o no miso a tatodong konini. o sakakaay a tayal no mita o misaPangcahay koni, marawod to ko mihecaan no miso, mimaan a caay pikapot kiso! ”saan ko sowal nira.  “ Caay ko itiniay kako a lomahad! ” han ako a pacoli!

“ Cima^ kiso? Naicowaay kiso? ” saan a mainget cingra.

“ Enaw paci^ci^ han iso kako? ” han ako a mipatoor ko cawi^.

媽媽帶我去祭場和我講述豐年祭的點滴，教導大會舞蹈，我卻記不住，拒絕練舞。媽媽：「這是我們阿美族人最重要的責任。」我：「我不在這裡長大。為什麼要逼我？」傍晚，外婆要我試穿她做的衣服。外婆：「我將財富交給你，要好好珍惜！」只是一件祭典穿的衣服，為何那麼重視？我想起母親的話—你是誰？你從哪裡來？

晚上和大家手牽手跳舞，腰和腳從僵硬到柔軟，內心也逐漸愉悅，我才明白外婆說的話，也領悟豐年祭是阿美族獨有的文化。