朗聲四起

“Itini i takaraway a lotok kako a maro’.” sa kiso; “ Itini i tatihi^ no mamangay a ‘alo^ kako a maro’.” han ako kiso.

“Ira ko takara:way a kilang itira.” sa kiso; “Ira ko carascasay a sa’owac itini.” han ako kiso.

“Pakatengil kako to pilowi’ no lotong ato fafoy.” sa kiso; “Pakatengil kako to soni^ no ‘ayam ato fawofawo^.” han ako kiso.

Pasowal haca^ kiso, “Paka’araw kako to langdaway a kakarayan” sa kiso; nika “Paka’araw kako to kangdaway a riyar.” han ako a paca’of kiso.

Nikaorira, malecad ko sowal no mita toya safilengo^ sa ko pinaloma^ to panay, lofic sa ko heci^ no losay ato ya malalokay a matayalay.

O niyaro’ no niyam itini; i kawanan, ira ko takara:way a lotok, i kawili^, ya takono:l sanay a lotok no pasawali^. Itira, awaay ko intoc no kay-sya, caay ka ‘aloman ko romakatay a tamdaw, awaay ko masamaamaanay a dawdaw, awaa:y ko nikangiraw no tamdaw. Nikaorira, i kasaniyaroaro’, ira ko mamangay a lalalalan, mali:kat ko folad to dadada^, awaay ko rawraw, fangcal ‘arawen ko taliyok no palapalaan. Cecay miheca sepat ko palapatan, ano pikarotan to, ano pipalomaan to, ano pilitodan to, ano pi’anangan to i, masasiroma^ ko taliyok no palapalaan a nengnengen.

Ano ira to ko faliyos i, malo sa’ayaway sapi’ading to fali^ kora takaraway a lotok ato malo pihololan no tamdaw. Matiraay sa:ca ko ka’oripan ita saka, mapalowad ko nga’ayay a pinangan no tamdaw, mafana’ a mi’imer to serayan, mafana’ a limela^ to maamaan, halipalada’ to kinaira i cimacimaan. Nanay marayray kona fangcalay a ka’oripan a serayan.

我們的故鄉，四季交替，展現不同的風貌。春－田園裡一片的油菜花海，美不勝收。夏－油菜花變成了稻田，農人們汗珠雨下，備極辛勞。秋－稻穗結實累累，象徵著豐收。冬－稻草人爭奇鬥艷，孩童四處嬉戲，還有烘窯。颱風來時，幫我們擋風遮雨，人們疲憊煩憂時，它又成了休閒遊憩放鬆的好去處。在這樣的環境成長，孕育出我們原住民的天性，它教會我們愛護大地、珍惜資源，我們要世世代代，珍惜保護這片人間淨土。