朗聲四起

Nan-ting-ke-r ga pnaah eseisil klwaan Ing-kwo, mntucing klwaan Yi-ta-ri Fo-rwo-run-s, hngkawas maxal maspac kbkuy empusal (1820) idas rima (5) jiyax maxal dha (12) ka pncingan na. Slaqi siida, ida mkmusa balay qmpah quri qmlahang mnarux seejiq ka Nan-ting-ke-r, kiya ka kiya ni ini bi srwai peusa tnsapah na musa qmpah qmlahang mnarux seejiq ka hiya.

Kiya ni dhuq mtrul ka hngkwasan na do, ida ini bi lgeelug ka lnglungan niya na, musa bi krmun smluhay quri knklaan sqlahang na mnarux seejiq. Babaw mnhdu sluhay do wada skgulun qmpah quri spuhan qrijil, ada ka malu bi lnglungan na ni paru bi gnealu na sjiqun, kuxul bi ana ima ka hiya.

Ini qbsiyaq do gisu mssbu ka klwaan klealang, wada qmita paru hnqilan seejiq ni nnaqih bi endaan ppais mssbu. Kiya ni hiya ga ida smruwa nanaq musa ssbuan klealang, saan na qmlahang ka mluqih na empsaping. Yasa ini bi sangay kdjiyax ka hiya, kiya ni spruun dha balay qmita ka Nan-ting-ke-r nii, siida ida hiya ka pusu bi stmaan dha.

Ada ka wada bsiyaq balay knrbuk na qmpah ka Nan-ting-ke-r, meuic bi kdjiyax ni wada kmdudul ini kbiyax ka hiyi na da. Kiya ni rngagan dha balay “ ksangay hari wah! ” ksun dha rmngaw kdjiyax ka Nan-ting-ke-r.

Siida smiyuk rmngaw “kndusan seejiq ksun ga ida saw harung rmdax sjiqun, ita seejiq ga asi ka trdax kjiyax ni rmdax sjiqun, naqih ka embsurux da wah!” msa ka hiya. Ida ini pseanak knklgan seejiq, ini pseanak klealang ka hiya, nasi niqan qlhangun seejiq o ana knuwan ana inu, ida qulung qtaan gaga qmlahang mnarux seejiq hiya ka Nan-ting-ke-r. Kiya ni kana ka tnhiyna seejiq ga ida smparu bi qmita hyaan kana.

Hngkawas maxal mngari kbkuy maxal(1910) siida, wada knama msangay ka qbubur Nan-ting-ke-r da. Ida krwahun bi seejiq babaw dxgal ka hiya. Kiya ni hici do iyux bi sthmkuan seejiq ka biyax na do, asi dha thngani “ Smiyan kwo-ci huse ” ka jiyax pncingan na da.

Pnaah Nan-ting-ke-r phiyug ka c-tu hu-s ksun, ida bnegay ni genalu Nan-ting-ke-r ka nii, naka ta bliqun bi smluhay ni snegulun. Quri snruan kari Nan-ting-ke-r nii ga tmgsa mnan, tluus lnglungan ni mgay gnealu o kika dungus bi kndusan. Yasa ida wana smluhay shuya mgay gnealu, kiya ka musa mkla gmealu sjiqun babaw dxgal hici uri da, musa mkla manu bi brihan na kari “dungus bi gnealu ” ksun.

南丁格爾從小嚮往護理工作，她接受護理教育訓練，被分發到婦女醫院服務。不久，戰爭爆發，自願請調至戰區服務，照顧受傷士兵。由於長期勞累，南丁格爾的健康每況愈下，她卻說，人生就如蠟燭，應該守本分地燃燒自己照亮別人，怎能懈怠！這位偉大的護士在西元1910年逝世，後人為了紀念她，便將她的生日制定為「國際護士節」。

南丁格爾是近代護士制度的創始人，她犧牲奉獻的精神更值得後人學習，真心對待他人，明白到「愛的真諦」。