朗聲四起

“ dering! dering! ” kema maruni na pararuniyan i kungkuwan, mau na katalaulepan lra na temakakesi harem, kemay takesiyan mupacaran na temakakesi, salaw vuri’awan.

harem kani takakesiyan mu, ulra na kenanama diyan, lramu piwari mekan semavalr awlra di, ulra na menadanadam semenay da temarapuyuma, ulra na venavalray datu vavalrayan, lramu adi tu kipiyayi tu vavalrayan adaman awlra! ulra na maaiyup da vativatiyan, ulra na ’ema’au da danum.

kani i salripi mu, ulra na maaya’ kantu wadi, lramu ulra tu taturuwan da eman awlra! ulra na kipucacemel, lramu ulra tu nanayan i iyan! ulra na verarelrang di kikaselru kana sinsi. ulra na lremangar, lramu ulra tu eman piniangeran awlra! ulra na pasiyasiyas marengay, lramu adi maranger pakinger da cau! ulra na mahelrahelr mukuwa i caca’iyan.

kani pacaran kana lalinayan mu, ulra na malalinay da mali, kara’ara’araw kana mali. inakuwaya tu salingan a! ulra na malalinay datu kalalinayan i kungkuwan. na kalalinayan i kungkuwan mu, sadu di marekamelrimelri, ulra na mukulukulung kani dadare’, lricalrica’ lra peniya tu kavang.

ingku mu, marelrang ku kani ngidalri, mukuwa mi mena’uwa kananiyam sinaleman i likudan kana takakesiyan. ulra a kulang, a kudumu, a vurasi. niyam vicevicaw na temelriyu diya na calunan; niyam ’avangaw na ’ured, niyam lratuday. nu eman mu, mukuwa mi mena’uwa da ’apuc. sadu na muvakar lra na ’apuc, salaw ngulringulr.

“ dering! dering! ” kema maruni lra na pararuniyan. mau na usasavak ta lra kani takesiyan, takakesi ta lra.

“ makuda kana dika mulavat ini na katalaulepan! ” kema mi na temakakesi diya. na kadu diya i pacaran na temakakesi mu, himilrehilr pavekas musavak datu takesiyan temakesiya!  

鈴響！下課了，學生衝出教室。教室也有人在吃早餐唱歌、有人在寫作業，唸故事，也有人在喝水。走廊上有人要去找弟妹，有人去保健室，有人因追逐被罵！有人發呆，有人說悄悄話，有人忙去廁所。運動場上有人玩球，搶來搶去滿身汗。有人玩遊戲器材，有人在翻滾滿身是草。我和朋友到教室後看種的菜、玉米和地瓜。我們拔草、捉蟲，疏苗。有時則去看花，花很香又美！

鈴聲響！上課了，十分鐘過得很快，學生們紛紛跑回教室！別流連忘返了。