朗聲四起

ini na padurina’an da ’apuc mu, mau na sasaleman da ’apuc. adu a temakakesi mi diya kana palrivak na kungkuwan mu, kana takakesiyan nganguwayan ulra a makiteng na sinasaleman kana ’apuc, kana wariwari diya mu, ulra na temakakesi marevulavulas temapesi’ di remevay kana carunan. nu mi ’apuc mu, salaw kana vulay. aymu nu meredek kana katalaulepan na vuceliyan di nu derun mu, iniyan da cau milran, minacay lra na ’apuc.

nu mareveliyas ta mukuwa i kungkuwan mu, ta asalraw diya temulre’ay semalem.

ini na padurina’an da ’apuc mu, mau na pakavulavulay kana takesiyan di i ruma’. mau na nana’uwan da cau. nu temulralre’ay ta mena’u kana padurina’an na ’apuc mu, kamawan ta da paailran kana ve’enin, ta piangeraw, nu purepatiwla ta mu, payas caruwarun musuvuk lra na ’apuc. nu maranger ta pakavulay kantu pini’apucan di vulay nu mena’u ta mu, adi mawmau temapesi’ remevay kana carunan. na marum tu sa’ad datu vira’ ta haretimaw ’ematelr. nu semasever mu, ta pudarukay kana pacemel. nu ta kasaduwaw temapesi’ di nu palavat ta ipucemel mu, matupa’ tu rami di minacay. nu ta tulre’ayan mena’u di ta pangecengecanay ta anger, adi ta temaatelak milran.

ulra ngai a “ kemay kanantu sinaleman datu urane’an, madalram ta kantaw i savak da rinuvuwa’an da utateresan ” kema.

inta na pinuyumayan mu, nu pacepa ta kanta semasaharan mu, adikaadi ta mi’apuc kana ’inupidan, semalra ta mawan diyan mu, nu midare’ diya da makiteng , adi malaalup semalem kana ’a’upidan na ’apuc.

semalra ’inava nu ta kasayhuwaw kimirungec kananta padurina’an da ’apuc , di vulaya ta pinidekalran!

國小時教室前都有花園，值日生澆花拔草；寒暑假時沒人管理便枯死，開學又重新栽種。花園可美化校園或家園。照顧要用心，疏忽則雜草生。澆水拔草，剪枯枝葉，施肥，要細心和耐心。了解各種花的開花季節才能使花園永續。

卑南人歡慶時佩戴花環，所以族人都會在家種一些艾靳、萬壽菊、排香草、雞冠花、千日紅、梔子花。現代房子也會留空地當花園。有花顯得富貴, 種花讓人心愉。花園榮枯能知其盛衰。因此盼大家都能把花園照顧好！