朗聲四起

“ inta na cau palru kana minacay, adi ta diya pakalrang mudawilr mudadangi mu, nanta ikavavaaw, iniyan da cima’. ” kema marengay na cau.

mudawilr ta mukuwa mudadangiya, pakasaadu data inana’u di data kiningeran.

na udadangiyan mu, maruwa ta kadu i Taiwan, di maruwa ta mudawilr kana duma na kanatal mudadangiya.

nu kadu ta i Taiwan mu, ulra na cau mipaliding kana haiya mukuwa mudadangiya, ulra na cau miotobay di na dinsiya mukuwa mudadangiya.

na ma’idang lra tu ’ami na cau mu, marayas kurelrang kana yulanbas mudadangiya. kadu ta i Taiwan mu, maruwa ta miturus kananta anger mukuwa kananta auwayan mena’una’u.

sadu kanta i makadekadekalr na kinuwakuwa mingadan na kivangavangan, di nantu vinilin na kinaawacanan na eman diya. na vulavulayan kana yulanbas mu, sayhu marengay kana sadu lra tu inlrangan di tu kinadalram, tu pakadalramay ta da inuwayan diya datu piningadan kanidu na dekalr, di nahni mu uniyan diya i valray da ta tinakesiyan, di tu pinakapadangal lra, di tu akanen na vuwa’ lra mu, maresayhu marengay kana sinsi na pananadam kana pinidare’an di kana kakuwayan na kinawacanan.

nu ulra nu paisu di ulra nu wari nu aidan mu, karuwa u kemuret danu awayan mudadangiya. ini na wadadangiyan mu, kamawan da takakesiyan. semalra nu temakesi ta i kungkuwan mu, nu pulaludus ta da tinakakesiyan mu, mukuwa ta diya mudadangiya parasan. nu muvavares ta lra, nu puludus ta lra sa’ami mu, na tawki adikaadi pauwa kanta mudadangiya.

“ nu temakesikesi ta lra da sadu na valray mu, adi kamawan nu padawilr ta da inlrangan a dalan. ” kema tu pauwayan.

旅行能增廣見聞，開闊視野。國內可開車騎車旅行或騎機車、單車，或跟團旅行。若自由行可至嚮往的地方，國內有許多方便成行抵達的名勝古蹟，但，要若伴同行互相照應會更安心！喜歡出國的人，帶著身心健康的心情和家人道別。

旅行時可以擷取好的畫面或紀錄難忘之事，還可為親友帶些紀念品，但要記住，因國情不同，要遵守他國規範不可逾越。旅行也是教育，就像高中生畢業前，學校會辦一次畢業旅行，正所謂「讀萬卷書，不如行萬里路。