朗聲四起

i ini na apuran na pakamelri na kakuyanan mu, marayas ta lra mena’u i Taiwan harem, adi lra kemawan aawac diya tu i aapur nanta mauwan, adiyu diya mu, na dare’ lra na sinareman lra uniyan da pacemer padawak kana dare’ di kana sinareman diya, sayna nasak mu, tinu’emu da sikiw i lrevak.

harem lra mu, na puran lra na caker lra di na nasuk mu, mipadawak peniya da sinareman di ata madalram da aeman tu dinaway na nasuk. mulremes lra tu kapauwayanan data kakuwayanan, di melri nu nadanadaman da kakuwayanan. alra melri nu mawmau paka’ude’udem da walri, paka’a’ucus, pakacukacuk, pakakuwaareng da ’usi, di mikuwaareng ta da ayceng i udung kema.

nu sareman mu, mau na makawalun na maapur diya na cau muarep kana ayceng i udung kema. di nu uri temanalapaw data pinidadekan mu, pungaway ta temalapaw data inaakan, semalra pudawilr ta kanini na aapuran, puvuruk kanini na kuwarengan na ayceng i udung kema na ising.

’inava nu mikakuwayanan ta da marayas paka’iceras data udung i makasavak, munayun ta paka’iceras data udung di pakadalikedik data dadek.  

na i rakan tu marangeran pudawi kanini na misaharan mapur na cau mu, ulra tu kinuret kanta.

pukaisa-- ata kitutalud da apuran, amanan na puran ta kuwayaw.

pukaduwa-- kana ’ami’ami diya, palasan ta kina’uwa da ising.

pukatelu-- surimet ta kimingisir.

nu remareca’ u lra kana aapuran di anu lra kiseker da marangeran mapuar da puran mu, ulra a tutuluwa maruwa ta vunuras da aapuran.

pukaisa-- tarkinger kana senay di aya’u na dadawayan kipanadam tada cau.

pukatelu-- tare’au da danum di, asalru vunulas kana topi ’emere’er.

inta na madalram diya pakakuwaceng data dadek na apuran mu, salrangana ta sema’ur pakadalram da cau kana adiya parapuran, munayuna data dalikedikan.

嚼檳榔是常見的不良嗜好，它不是從前族人所嚼的檳榔，以前沒汙染，石灰也是天然貝殼所磨出來的，以前種檳榔，可用來招待親友。今檳榔荖葉或石灰皆含有不明毒素，失去文化意義，也危害健康。

如今嚼檳榔的人多了，檳榔攤比米店多,水田和山區都有種檳榔。口腔癌患者多有吃檳榔的習慣。為了健康拒嚼檳榔是第一步。口腔健康的方法有下列幾項：向檳榔說不。30歲以上定期口腔檢查。飯後30分鐘刷牙漱口。拒嚼檳榔一起來，健康久久沒煩惱。