朗聲四起

“ tring! tring! ” kema maruni na patringtringan. a katalaulepan lra za sinsi zi za temakakesi harem. kemay i talrevaw mupatraran na temakakesi, salaw vuri’awan.

i kani talrevaw mu, ulra na maekan ziya zatu kenamayan. halra na puwari mekan a semavalr awlra! ulra na menadamadam ziya semenay kana temarapuyuma lra, na temaraminkok lra. ulra na tematililr ziya tu tatililran. halra na ’azi tu pasekazi tu tatililran a daman ziyanay! ulra ziya na maiyup za vativatiyan. ulra na ’ema’au za zanum i kaziyu i salripi mu!

ulra na makuwa miya’a kani waditaw. kaulraulaya tu rarengayan za eman mu! ulra na makuwa kiputremala kaulra atu nanayan i iyan? ulra na maverelrarelrang. penauwa za kiretrevung kana sinsi zi kikaselru. ulra na mazazikul zi ’azi lra kemianger za kuwadakuda. ulra na masiyas maasiyas merengay ’azi muwai pakinger za trau mu! ulra na mukuwa i watra’iyan. mahelr nu kemakawang.

i kaziyu i renarenazan mu, ulra na melalinay za mali, ma’ara’araw kana mali. aykiya atu saringan a! ulra na melalinay za tu kalalinayan i takesiyan. sazu zi marekamelrimelri na kalalinayan i tekesiyan. ulra na mukulukulung kazu i tralutralun, matemuy a ramram tu kiping.

i inku mu, marelrang mi zanku ngizayan mukuwa mi mena’uwa za naniyam sinalem i likuzan kana talrevaw. ulra a kulang, a kudumu, a vurasi, niyam auvutraw na temelriw na tralun; niyam ’a’evangaw na maekan kana kulang na ’uled; na tralrevek na kulrang mu, niyam lratuzay. nu eman mu, mukuwa mi mena’uwa za ’aputr. sazu na muvavakar na ’aputr, salaw ngulringulr.

“ tring! tring! ” kema maruni na patriyangetringan. Aidaidan mupiles ini na muketrep pung na katalaulepan kema na temakakesi. na kazu ziya i iyan na temakakesi mu, ’alivusvusan pavekas mukuwa tremepaya zatu talrevaw temakesi.

鈴響！下課了，學生衝出教室。教室也有人在吃早餐唱歌、有人在寫作業，唸故事，也有人在喝水。走廊上有人要去找弟妹，有人去保健室，有人因追逐被罵！有人發呆，有人說悄悄話，有人忙去廁所。運動場上有人玩球，搶來搶去滿身汗。有人玩遊戲器材，有人在翻滾滿身是草。我和朋友到教室後看種的菜、玉米和地瓜。我們拔草、捉蟲，疏苗。有時則去看花，花很香又美！

鈴聲響！上課了，十分鐘過得很快，學生們紛紛跑回教室！別流連忘返了。