朗聲四起

kurelrang kantu ma’iza’izangan mukuwa kazuwa i Taipei i Sunay. muruma’ zuwa pavilunga. aramawa na ’azi pa’etreng. maranger muvilin i zekalr i Sunay mu, ’azi muwai i temamataw.

tu kiyumalray i temamataw, “ ama, sasede’ mi za tatelraw ’azi mi temakesi harem zi, karuwa ku muruma’ i zekalr? sare’er ku kani imulri na vavayan. kazuwa ku ziya za zuwayaliyusan i zekalr, kirepailranga ku kani imulri na vavayan. ’inava nu kemazu? ” ai kema temuvang i temamataw.

muitras kana mingadan za Puyuma na kisiya muruma’ i Valangaw. salaw semangal i Sunay. semenasenay zi mena’una’u i patraran. tu turuway kani temamataw, “ amanan na pakavangavang kani temu. puwalrangi lra kikarun. atalram menadanadam marengay zanta ngai na Pinuyumayan kimazayar kani temu! ” meredek i ruma’ mu, pavekas mukuwa trempaya kani temutaw. “ mumu muruma’ ku lra! ” kema zi tu kapetraw i temutaw.

uri dadaway za inavuy i temutaw mu, tu pilralrangaw i Sunay mukuwa miya’a za rengas zi za lavilru. tu panadamaw za vulay zi za penauwa za rengas, patulre’ay mena’una’u zi kingkinger i Sunay. “ kemuda zi nu sasingaw na rengas? kemuda zi nu luinaw aku niyarengay? ” kema kiyumalr i temutaw. “ imu, nu maraveliyas ku i Taipei mu, ninku nana’uwan, ninku nadanadaman marengay. ” salaw sadeku kinger i temutaw.

parekazuwa vulan tu kinazuwan i zekalr. mukuwa kirepana’uwa za nirumaenan; mukuwa miya’a(maya’a) za ngayzayan(ngizayan); mukuwa kikulanga i ’uma’uma; mukuwa kingera za vativatiyan. sazu lra tu kinalrazam tu kakuwayanan i zekalr. tu paatezanay za email tu sinasing zi tu tinililran, pakelrazam kantu ma’izangan kana wariwari ziya. kasemangalan tu ma’iza’izangan.

Sunay和父母住在台北，過年才回家鄉，時間都很短。Sunay學校放長假，她想念祖母，想住上兩個星期，爸爸答應了。爸爸叮嚀：「不要讓祖母煩惱，要幫忙做家事，試著用族語交談。」一到家，Sunay衝向祖母說：「imu，我回來了！」祖母要做月桃糕（pinalepuk），帶著Sunay仔細的教導如何找葉子。用手機照月桃又錄音想回台北練習說族語。Sunay跟著祖母學做月桃糕，哼唱歌謠，記錄。半個月學到很多，將資料及照片和影片，每天用手機傳給父母，父母感受到Sunay的快樂。