朗聲四起

izua qaqayam a kerilj a minlayalayap i palingulj tua qinaljan. ka pacun ti kerilj tua qaqayam a druriqaw, kivadaq ti kerilj tjai druriqaw: “ kaka i druriqaw aku inika sun a minlayap a ljiyavavaw a pagalju? ” ayain. ciqiren ti kerilj sa tevelai ni druriqaw: “ manu inianan kaljiavavaw a ku siinlayapan? sau pacunu azua kuka ki sun a kemeljang tu paravac anga aravac aken? ” aya.

pai sa vaik ti kerilj a kemim tazua kuka sa kivadaq: “ ama i kuka, aku  inika sun a minlayap a pitjaivavaw anan a pagalju? ” ayain. manu tjemqang ti kuka sa pasulivai a temvela tjai kerilj: “ manu inianan kaljiavavaw a ku si­inlayapan? sau pacunu azua ti bibi, ki sun a kemaljang tu paravac anga aravac aken? ” aya.

pai vaik ti kerilj a kemim uta tazua ti bibi sa kivadaq: “ ina i bibi, aki inika sun a minlayap a pitjaivavaw anan a pagalju? ” aya. pai pacabecaben a iku ni bibi sa temvela: “ manu inianan kaljiavavaw a ku si­inlayapan? sau pacunu azua ti ngabu inianan vaik a kemasi kadjunangan, ki sun a kemaljang tu paravac anga aken aravac? ” aya. manu palemek a pacun ti kerilj a pasa kalevelevan, sa pacun tua qadris a makavavavavaw aravac a minlayap, maljiyan a saregeman. kemavala saka samalji ti kerilj, pai sa kivadaq tjai qadris: “ kaka i qadris kemuda saka maqati sun a minlayap a maka vavaw aravac i kalevelevan? ” aya. pai djemeli sa temvela ti qadris: “ ini, ini, inianan ka ljiyavavaw aku siinlayapan, nu kipapamaw aken tua kalevelevan, ini anan aken a padjalji angata? ” aya.

pai sa matu sepapaulingaw ti kerilj, saqivu timadju: “ kemalja kemljangan anga ken tucu, tu “a timanga nuri minlayap a ljiyavavaw, nakuya a paljaiteku a kipenetj, tjara tjapitjaivavaven a tja paqidev” aya ti kerilj.

麻雀看到燕子，就問：「你為什麼不飛高一點呢？」燕子說：「你去看看水公雞，就知道我已經很厲害了。」麻雀對公雞說：「你為什麼不飛高一點呢？」公雞說：「你看看水鴨，就知道我已經很厲害了」。麻雀又對水鴨說：「你為什麼不飛高一點呢？」水鴨說：「你看看癩蛤蟆，就知道我已經很厲害了。」麻雀頓時抬頭看，發現遨遊於天際的熊鷹。他向熊鷹請教，「你為什麼可以飛這樣高呢？」熊鷹謙卑地說：「我飛不夠高，離藍天很遠。」