朗聲四起

Salriguane turamuru kay langudradrekay, ku tayngeane lasalrumalanane. Mararamaw kikay lrigu si lrumalane, adravane ka sawvalay ka laabaibay tuakucingalre turamuru makanaelre. Tualay lukalrulaiyana, ku latama lini wabulru ki lalake lini ki sawvalay, ku latina lini labulrubulru ki lalake lini ka laabaibay. kikay lrigu muasaka drusa ka niake lini lukidremedreme. Ludreele ku badhabadha ki Ngudradrekay, salrumalane kay lalasu kay laalisu amia, kaita lridulru liniane, tuakucingalre ki tacekecekelane, kialalra ki marudraudrange, kaiwathaethaele ki cekele, kiasamula ki aungane lini, naw pianga, naw tarapakiragay ki marudrawdrangeli, ki sakacekeleli taiyane, ka tapikaiyane ki kidremedreme ini.

Ku laabaibay, bekelane ku vaga, mageteme ki aungane tavanane, kisamula kibulru ku aungane ki laabaibay, ngipapakilibake, lapakilidraw ku latina ini, si laikay ku bariangalay ku Bengelray ini, lakikadaadalame ki laumaumase.

Ku sawvalay, kadrua ku siarabane lukisikawlu ki tarudrawdrange, mapaduadulrathe, pingiabekele ki akaneane, tuapapapalra ki cekele lutumatumane, malrualrumale, ai lupangilisiaku amia, si dradreele ku kakuakuadhanane ini, mulucege kapapedrenge ku takaumaumasane.

Sataluela ngualay ki Murake ka valrigi, latugaku ikay kavay cekele ka Bariangalay, si sunagane “ Lrigu ” kusiaw iya, lakibulrubulru ki lasinisi lini, ku mathariri ku akalrigilane lukaadrawnga, kaamani ku salriguane ka salumalane ka lrimucungulu ku abake, ku kidremedreme ki Ngudradrekay, ka lridulru palakebe ki cekele, pakathariri kay kaumasane ku takaumaumasane.

Kuta makanaelre latakikalrumale, ka tapikaiyane ki kidremedremeta ku amia kikay, “ kaykameane kialriguaku ki druma ngualay ki cekeleli, luiya anikilrigu kay cekeleli ngualay nakuane. ”

榮譽感與謙讓心，是魯凱族一生要修齊的人格資產。母親以身作則教養女兒，兒子由父親薰陶；重視家庭，更關懷部落事務。女生以少語多聽為美德，維護百合花般的堅忍幽雅，博得眾人疼惜。男人心念部落，不違背長者，自幼少練就剛正不阿的魯凱男子性格。

新地百合部落興建國小，以「勵古國小」為校名，展現永垂不朽的魯凱風範，傳承魯凱女人的美麗及魯凱男人力氣。「今日我以部落為榮，明日部落以我為榮」。