朗聲四起

amian so asa ka rarakeh, raroa o anak na a mahakey, maniring o ananak do ama na am, “mo ama, to mo na norohan jiaken o vonong ko do kangangey ta.” meyratateng am, vonongen na o kangangey na do raroa ka anak na.

makanateng so ararow am, nimimin na no ananak o vonong na nipamalit so nizpi, kangey na rana do marai a ili. tonazestes do ararow o pivwakan na so nizpi do piyowyawan na. magid o nizpi na am, nimacinao o kapeykakcin do dang, ori o nikatey rahet na abo so ipangakadey. so niangey na mapakapakan so kois, kaji na nganan rana so kanen no kois, do kabo no tao a marilow nia.

mowney am, mayokey rana so onowned a manci no “ya ji a vilangi o lamlamsoy ni ama, ya ji agiji o kanekanen da, am ikongo o ya ko ipikekcin do jia? apiyapiya rana kapisinaoli ko ji ama.” meyratateng am mitatanek rana misinaoli do ama na.

marai pa do vahey da am, to na cita no ama na karilow na nia, so nipalalayo na amrapong so anak na, kayapet na sia apoapoen. maniring o anak na am “mo ama, ko nialalasan si ama ta do to, a ya ko kalalas do akman jimo, so ji mo na abneki jiaken a anak mo, to mo na abneka yaken a lamlamsoy mo. ” maniring o niapoan na do lamlamsoy na am, “ mangap kamo so neypiya na ayob na, kapasaong nio jia so tamtamek namen, kapanta nio nia so tokap na, kapangap nio so singasingeh no viniey namen a pamaringan tamo so kanen. ta o anak ko rana ya am, ya akmey nimawakwak a na kaviay rana, ta ya akmey nimabo a apzapzaptan a na kapitotoaw rana.”

o kavavatanen ya do seysio am, o rarakeh a niapoan ori am, akman si ama ta do to a ya marilaw no ya nimisinaoli so onowned a komaro do nipeyraratenan na; o ananak a anak na ori am, na payaingen do tao do karawan a ya tongonongonong do nakenakem a pivazaing, am teyrako o ariarilow na ni ama ta do to do tao.

文章敘述老父親有兩個兒子，小兒子卻要求父親將家業提前分給他。父親卻二話不說將產業分給兩個兒子了。小兒子將所得的全部換金錢，然後離家往遠方。後來，隨著玩樂，錢耗盡時，遇到大饑荒，落魄到幫人餵豬，恨不得吃豬食充飢。小兒子後來想到父親的眾僕人從不缺食物，決定歸回向父親認罪。父親看見小兒子回心轉意就動了慈心饒恕他，並囑咐僕人拿最好的衣服及傳家寶為他穿上戴上，宰殺肥美的牛歡喜慶祝。老父親比喻小兒子似死而復活，失而復得。