朗聲四起

Cbeyo bale hayan we, wano ba keeman nanaq ka bobo dheran nii, uka diyan. Mqraqil bale kndusan seediq ciida ma ini krana ani tikuh ka ooda seediq duri. Kika mosa cmeyax qhuni harung ka seediq alang, sledax daha mmiyak sapah ma mosa qmeepah neepah daha.

Stexal ali, hmiru harung ka daha rseno alang, thhiru mmaha qmeepah neepah. Inu dungan, mgnetun bgihur spgeriq paru, wada muwa pgriqun quri karac baro, pqeya naq karac ma mddaha mghido di. Daha hido nii de mssriyux psledax bobo dheran, mgeqi kingal de mnkala kingal dungan, kika diyan klaali ma uka keeman.

Maku mdengu mhuqil kana pnhmaan ma uka puuqun, kika skkingal mhuqil ma mrana hnqilan ka seediq alang. Msseli kana seediq alang ma mpprengo “Ima ta ka maha mtduwa mosa cmebu kingal hido ha?” Niqan ka rudan, riso ma riso hari ka mkmosa cmebu hido, kika gmao daha rudan, daha riso ma daha riso hari ka skgulan daha mmaha cmebu hido. Mmaha ciida, stngayun daha tmquri qmuru sekuy ka demux macu, pndaha qmuru sekuy ma lhugan daha waso birac, madis mudu ppuqun ma srehak daha ksiyo eluw ndaan ka buuc na duri.

Ado theya bale ka eluw, meniq ka daha rudan de, wada moda mgedang eluw ma ini dehuk di. Daha riso ma daha riso hari we, dehuk hhreyan hido, psnama mcebu hido ma smtarang hido. Mnkala kingal hido de, asi daha cbui ma kmaxan, wada mgeqi kingal ma smbaang tgkingal hido dungan, so hani ba mnkala we, asi daha pstrengi cmebu dungan. Wada daha cbuwan ckceka hei na hido kii, mquri nganguc cmeriq dara tqpuruq paru ge mgidas di, mdengu tqpuruh de kiya ka pngerah ga ta qtaan karac baro saya. Mtuting bobo dheran mdengu tqpuruh, wada mgbtunux paru bobo dheran nii.

Peeyah ciida, niqan keeman ma niqan diyan di. Daha riso kii de, rudan duri di ma, wada moda mgedan eluw, wano ba daha riso hari ka dehuk alang. Meeyah alang ciida, smnegul eluw buuc mudu rnehak daha, dehuk alang ka daha riso hari nii de, tena qudi kana tunux ma ini kklai seediq alang ka dheya nii di.

以前只有黑夜，有兩個男人點燃松木片，一路照亮去田裡工作。遇上龍捲風把他們捲到天上，掛在空中變成二個太陽；太陽輪流升起，農作物枯乾，族人因缺糧而逐漸死亡。部落選了二位老人、二位青年及二位少年去射太陽。他們將細長竹子裝滿小米掛在耳朵上，沿路撒上橘子的種子。二位老人中途離世，二位青年、二位少年到達太陽升起的地方。

他們射中太陽的中心，噴出大血塊變成月亮，小的變成星星，血塊往下掉落變成大磐石，小的變成沙粒。