朗聲四起

Taywan ga ta niqun saya nii we klaun bale seediq, yaani mkela kana seediq bobo dheran nii, ado ka meniq ckceka rcilung, egu dgiyaq, yayung ma ruru, egu ba seediq ini pntena klegan gaga meniq hini, kika tnyanan daha kesun “Huarmosa”.

Taywan hini saya we niqan Plmukan, Kihilang daka Telu ma ita “Yencuming”. Kesun ta ita Yencuming nii we seediq tnpusu ba meniq hini ka kiya. Cuuxan hayan, mngari klegan ngayan ta ita Yencuming ga Taywan hini. Hndure hari de, mpitu klegan ka Yencuming wada mssnegul pheyu ngayan daha nanaq bale. So ka Itasaw, Kavalan, Truku ma Sakizaya, betaq berah knkawas mmteru hndure de, wada nami qulung pheyu ngayan miyan kesun Seediq Bale ka yami duri di.

Mhiti hndure nii dungan duri we, wada pheyu ngayan daha nanaq ka Kanakanavu ma Saaruwa duri di. Kika saya de, wada mrana dehuk maxal mmteru klegan ka ngayan ta ita Yencuming Taywan hini di. Ita ka seediq tnpusu Taywan hini we, niqan ga meniq ssiyo rcilung, so ka Amis, Tau, duma Paiwan ma Truku. Niqan ga meniq alang lmiqu ma dgiyaq duri, so ka Tayal, SaiSiyat, Thao, Tsou, Bunun, Rukai, Seediq, Paiwan ma Truku. Niqan ga mtgimax meniq Plmukan, so ka Puyuma, Kavalan, Sakizaya ma duma Amis. Bale ba duri, saya de egu bale ka ita Yencuming wada mtgimax meniq alang Plmukan di. Ita Yencuming nii we, niqan ta naq knkingal gaya ta, kiya ka sehu pqlahang ita saya we, ga na spheyu “Ali smseman Yencuming” ka knkingal klegan Yencuming.

Dungus na we pgklaun lqlaqi ta bobo ma pgkela seediq pneeyah nuinu, ado so mkela ndaan rudan ta ma gaya ta. “Ali smseman Yencuming” miyan yami Seediq Bale we, ga stdehu idas 12 ali 31 knkingal knkawas, kingal ali nii we msange kana Seediq Bale, tqqaras mosa suupu mteme kesun “Ali smseman Yencuming” nii. Uxe duri we mosa qmita tama rudan, bubu rudan alang, mosa ptgesa gaya nami. Saya mosa ta sapah pyasan de niqan sslhayun kari ta nanaq, malu ba qbhangun ka hengak kari pnsltudan rudan ta. Klaun ta peeyah hini ka gnkela rudan ta cbeyo.

現在原住民族已經增加到十六個。有的住在海邊如：阿美族、雅美族、部分排灣族與太魯閣族。有的住在山上，如泰雅族、賽夏族、邵族、鄒族、布農族、魯凱族、賽德克族、多數的排灣族與太魯閣族。現在也幾乎混居，也有很多族人遷徙到都市。

各族都有代表的文化節日，各族訂定一天為「原住民族日」，讓後代子孫或其他人，了解祖先的歷史與文化。賽德克族的節日是每年的12月31日，這天的賽德克族人都可以放假。