朗聲四起

atja kakudan a kacalisiyan a pitua tja kinacekeljan, mavan a tjalja vuluvulungan a aljak a pitjumaqen. kumalji kiuqalay kumalji kivavayan, nu tjalja vuluvuljungan ta aljak masan sikasaliyalim sakamaya, sa tjapitjumaqi. izua cu atja kakudan atja kakaiyan a pakitarev, kitarev, mecevung i puasavan aya, pinaparetimaljimalji tua kinalingedjeljan na tja kinacemekeljan nu pucekelj itjen. nu sikasaliyalim pakitarev itjen, nu nakisudjaljedjalj pakitarevev gata tja pakitjuayain ta na caritig, saka a tjai vililj anga a vetjek kitarev anga sakamya, satja pakitjuayain ta na saceqalj. nu mecevung i puasavan a caucau tja pakitjucekeljen, sa papungadani ta umaq naginacaljan, malaing tu sauqaljai tu savavayan, sa paputjaljayani sa sa papukizingi siqepuan ta cacekauin itjumaq.

pizua ta tja kakudan ta parekiljivaljivak, ta parepaqaljaqaljai a kacalisiyan, nia sikasaliyalim nu aya itjen, avan nu tja sikisamuljamulja, uri kisumavan anga, uri tja padjadjasan tja patavelakan ta tia kinacemekeljan nu ngidanga aya ramaljemaljeng. avan sikapakitarev itjen nu papucekelj ta sikasaliyaim, lja mineseg, lja pusazazatjan a tja kinacemekeljan aya tja vinarungan.

izuanan uta a mecevung i puasavan aya, nu pucekelj itjen a ika tjara sikasaliyalim, namaya ta ricing ta asav na kasiv a sivalivali aya. tjalja penapeqaungan ta pinucekeljan, aza kemasipatagilj ta nanemanemanga. titjen a ginacaljan a tjumaq, papecevung itjen ta sipatagiljan niamadju.

izua ramaljemaljen a na tjemaucikel a maitucu: aicu a tja kinacekeljan namaya ta kasiv, nu tja liyav a ricing tja uveleng, gata ita sakamaya a qapulu. nakuya ika tja sikiljivak a qapulu. nu kezeng a qapulu mekudral a kasiv. namaya uta atja kinacekeljan nakuya mun a ika kiljivak ta nu sikasaliyalim, palisi aya! aicu a pucekelj inika amin a uri maukaudalj itjen, mavan a mapacuru a kakudan a marekiljivaljivak na tadjamuqan.

排灣族人對結婚後的子女使用的幾種不同的語詞，有婚入、婚出、另立家屋等。婚入是指隨長嗣入主當家。在排灣族的傳統家庭觀念裡，第一個出生的小孩是家庭的結構中心，必須留在家裡繼承家族的責任，確保家族興盛。婚出：通常老大以外的子女都得離家，在過去的年代老人家都希望子女嫁給長嗣，因為他們知道另立家業非常艱辛的。非長嗣的聯姻，這是最辛苦的婚姻，須胼手胝足的打造家業。婚姻不只是傳宗接代，更是家庭倫理制度的延續。