朗聲四起

Taywan ksun ga niqan bi hangan na babaw dxgal, ida klaun bi seejiq kneinu klwaan ka Taywan. Gaga kska bi paru gsilung, niqan egu dgiyaq, niqan egu qsiya ayug ni yayung, niqan egu bi klgan seejiq uri ka Taywan. Kiya ni asi dha bqani “ Furmosa ” ka hangan na da.

Taywan ga niqan maxal mataru klgan tnpusu seejiq, niqan ka Klmukan, Khilang ni Tlu uri, ida niqan ka kndadax eseisil klwaan miyah thjil hini uri wah! Ita seejiq tnpusu Taywan o “ Yuey-cumin-cu ” ksun dha.

Sbiyaw han o wana mngari klgan ka seejiq tnpusu Taywan han, maka bukuy do mlutuc mhiyug hangan ka empitu klgan seejiq tnpusu Taywan uri da. Saw ka Itasaw, Kavalan, Truku ni Sakizaya, dhuq hngkawas empusal kbkuy maspac(2008) do wada ta qulung mhiyug ka hangan Seejiq Balay uri da. Hici bi pnhiyugan hangan o kiya ka Kanakanavu ni saaruwa dha klgan seejiq tnpusu, maxal mataru klgan ka seejiq tnpusu Taywan sayang da.

Tnpusu seejiq Taywan ga niqan ka gaga mniq kska ni ssiyaw gsilung, mnhru ni mndakil nanaq kska gsilung ka uqun dha. Saw ka Amis, Yami(Tau), duma Paiwan ni Truku sayang. Niqan ka gaga mniq alang dgiyaq daya uri, saw ka Tayal, SaiSiyat, Thao, Tsou, Bunun, Rukai, Seejiq, Paiwan ni Truku. Niqan ka gaga mgimax seejiq Klmukan ni Khilang uri da. Saw ka Puyuma, Kavalan, Sakizaya ni duma Amis, sayang do ida hbaraw bi ka wada thjil alang breenux uri da. Saw nii ka gaga nniqan seejiq tnpusu Taywan sayang.

Sapah pyasan sayang o ida tduwa smluhay kari rudan, tduwa smluhay knklaan rudan sbiyaw, tduwa smluhay meuyas uyas ni rmgrig grig rudan sbiyaw, pkla uuda qrijil “ tminun ” ni uuda snaw “tmsamac ” dnii… Paah pyasan mkla gygaya rudan sbiyaw. Qrasun ta bi “ tnpusu ta Taywan ka ita.

我們位居大海的中央，有很多山脈、充沛的溪水，許多族群都住在這兒，又稱「福爾摩沙」。「原住民族」是最先住這的民族。各族群依自身文化訂定一天為「族群日」，旨在讓後代子孫或是外地人，了解我們祖先的歷史與文化。賽德克族群的節日是每年的12月31日。

現在學校有老師指導我們寫字、唱跳傳統舞蹈，介紹生活技能「狩獵」、「織布」，學到很多祖先的傳統文化，我真是高興我是原住民族、我是賽德克族。