朗聲四起

ini ptnaq mwani ki cyunga qa qnxan ta, ini ptnaq uyi qa qutux qutux qnxan na qalang, garing mqumah ki qmalup ro lmamu neta qqaya kikay nyan mtiyaw qabax, wayan n­gyut tqlih gaga na pinqumah ta cyunga, mwani qani nyan tgatu lmiliq qabax pinqumah naha ro piyux nlwan naha uyi, thoyay prkyas ki lmiliq qa qqnxan naha.

pqumah qmayah qnxan ita nyan maki llyung Mnibu ki llyung Klesan qani ga, garing iyik na qqalang hogan ga, cyan muya ocya Tamalong, cyan muya unak qalang Siyanuh, muya yabung qalang Iyu, muya qsipi qalang Rgayung ini ga muya papak tqinux, kbakit, qurip kahan, ramat, pagay. bawiq cikay qalang lga, muya rramat ro bbway, pisang qalang Pyanan ki Skikun nyan tgatu muya ttbihi, tmana, tbihi, bhciy roq cyan naha pmiyon, wahan magal mbes na Kahat. qalang na Pnbong cyan muya unak, kaki, kaway ramu, qenam, ali, llamu nniqun cyan pmiyon qqalang na Tayal. qalang na Talah cyan kbalay ryaniq llyung mlahang qqulih, qalang Banun cyan psbaq gaga snibil bnheci ta cyunga rgyax bcilung khuyan qalang Skikun, quri Sqabu rgyax qaling khuniq ro tuqi rgyax na Bayu cyan tlingay maki qalang na Pyanan. Skura llyung na Klesan, qalang Pyahaw ga maki ulay qsya, ryaniq phkngyun ro pman l’tu qsya qalang na Iyu, ryaniq Tayal bnheci qalang na Pyahaw, llamu blaq halan mcisan ro mangay, uka thuyay musa pcpung ro psulung qabax qani, snhyun ta musa n­_gyut lmiliq kinbleqan qqnxan qalang ta yunga nya.

cnpngan skawas qani, nyan ini piyang blaq uyi qa sinthan nya muya ramat qani, Kahat nyan cmpung qa pila bbiran nya, ini kblaq ro ini kpiyux pinnrax nya cnroq pqumah qani, mwani qani nyan garing ptuliq yaw na qqnxan qa musa mcisan rrgyax ro mangay plngayun, ana qalang Tayal ga nyan garing lokah miyux uyi qa pqmahun naha la, iyat nanak muya tbihi ro pqumah qmayah, gmlux cqa nurux na Sexu ta, rmurux mtiyaw yaw na pklhahang rrgyax ro maray ccquliq musa mcisan rrgyax ki mangay blaq llamu na plngayan, nway qinah maray innagal qa qalang ta, twang mblaq qnxan na qalang ki kinqoyat calay.

傳統文化產業式微，改變部落的生活品質。目前仍以農耕居多，海拔低區域盛產茶葉。中高海拔的區域以蔬果為主。海拔較低的以休閒農業區為主；中高海拔的區域裡，有高麗菜、包心白菜、菠菜等種類，形成地方上的產業特色。

受到銷售管道的限制，高冷蔬菜由菜販到產區收購，並由盤商主導價格，使農民利益難以獲得保障。所幸，也朝向休閒及觀光等面向發展，期盼更帶來部落經濟的來源、改善部落居民的生計與幸福。