朗聲四起
Ita kesun Seediq nii we teru dndulan kari, kika kesun ta Seediq Toda, Seediq Truku ma Seediq Tgdaya. Cbeyo han we, mneniq ta quri pusu yayung Mtudu quri Paran hiya ma betaq alang nTruku mesa. Berah ini ta na yahi qmlahang Tanah Tunux han we, yaani maha 100 hari alang de spuun smepu kana alang ta, teru dndulan kari nii. Ani naq ini pntena hengak kari ta we, mgkela ma mngaangal de mpprengo ta duri.
Slaqi ku ciida, so nii kari bnhangan mu rudan alang mesa kini, “Niqan dadan ta ga meniq quri alang Tlwaun” hiya mesa. Ye ba berah knkawas 400 betaq 500 cbeyo si peni, mnkdalax alang ta hini mosa theruy mquri hiya ka drudan ta cbeyo mesa. Spuun ta lmngelung kari daha nii de, yaani bale wada so kiya mesa ku naq lmngelung ka yaku duri. Wada knhenu qnbsiyaq ali tnhrigan daha nii we, ini ta klai ba bale ka kiya di. Ado ta uka patis ka ita Seediq, kiya nii ta asi pndungus kari daha ka ita saya di. Bsiyaq bale pnswayan ta di, buling ta mspais ka bobo na duri di, hndure hari dungan we, wada ta mngaangal ngayan kesun Truku ma Seediq di. Kika so hari wada uka pnslutuc ta ma pntswai ta di. Meniq ka Plmukan daha ka Telu nii peni, psgeegun daha qmita ka Truku ma Seediq nii, bale ba we kingal ta pusu rudan pnyahan ka ita.
Saya de, ini spegi ka seediq ga mangal ngayan kesun Truku we, uxe wano pusu alang ta hini ga ta niqun ita Seediq. Mquri alang Tlwaun ma mquri alang so Girang peni, niqan alang ta ita Seediq duri, spegun kana de yaani maha 20 hari alang dungan.
Ani si quri Tlwaun hiya we ga tgimax meniq alang seediq Truku ma seediq Pancah, quri Girang hiya we ga msuupu meniq alang Tayal. Kika laqi daha hndure de, ga ini kela mesa Seediq ka pusu rudan daha dheya di.
賽德克族有都達、德路固、及德固達雅語群，原居於濁水溪上游、今霧社至靜觀一帶，在日本人還沒來之前，三語群所建立的部落接近一百個，約四、五百年前，祖先由南投往花蓮地區遷徙。太魯閣族和賽德克族已分別正名。
日本時代，祖居地（南投）、移居地（花蓮）不斷迫遷，直至今日，賽德克族分布就如現今的狀況。賽德克族不僅居住在祖居地，花蓮、宜蘭地區也有部落，加總或許還有二十個部落。