朗聲四起

mtasi calay babaw kayan ga, ana kahun theya ci ga ba’un mita kwara. b’bu babaw rgyax ga cyu mlaka kya yulung mlabu, yani hayi cyu myugiy texan. piyux mluw mlaka kwara yulung mlabu lga, ba’un ta mita, ini ptna yugiy naha kwara yulung mlabu haca.

mkhani ta kakay beh tu’i mayah ga, le’un ta mita kwara yulung mlabu haca, cyu mlaka babaw kayan, utux nanak texan ku kwara yugiy naha. texan ta yulung mlabu haca ga cyu m’iyu m’iyu r’yas naha, yani cyu myugiy texan. msrapa ta m’abi babaw hopa btunux ga, ba’un ci mita royi kwara babaw kayan.

kyan utux lpyung maku Piho, ksliy calay mita yulung mlabu, yani hayi r’yas c’oli, cyu msya ru mngilis. lpyung maku Sugiy ga, ksliy mita yulung mlabu, heya mita ga yani bhot cyu mtama babaw khoni. lpyung maku Yukan ga, ksliy mita yulung mlabu ga, yani hoyin cyu msboluk ru mtenah.

lpyung maku Sayun ga, ksliy ci mita yulung mlabu ga, yani kpiray cyu mlaka. lpyung maku Watan ga, ksliy ci mita yulung mlabu ga, yani m’u cyu mkyiy kkyiy khani babaw tu’i. lpyung maku Ciwas ga, ksliy ci mita yulung mlabu ga, yani hayi lgan ta basu, cyu panga c’oli ri rasun nya mtisan mita ana inu.

baha mcwa, ba’un naha kisa hani ga, mosa myasa ci kayan nya, yaba yaya ru mama yata ga, thoyay mosa mtiyaw mayah. kwara la’i nyu m’was biru ga, mosa mhtuw tanux kwara, nyu mwah mtisan sku lla’i ga, iyat siy pkaki iyik sali, mosa mhtuw tanux kwara ku lla’i nyu m’was biru.

kwara psba biru, yaba yaya, kwara nyu mtiyaw beh mayah ga, texan naha babaw kayan, cyu lokah ci myugiy yulung mlabu lga, ba’un naha mosa myasa ci kayan nya utux ryax kisa la, mosa piyux ci yulung mlabu texan ta, cyu mlaka myugiy beh babaw kayan.

當天空是晴天，山峰飄著白雲，跳著不同的舞蹈。走在田間小路，能看見白雲的臉譜，平躺在大石頭上，天空景色一覽無遺。好友Piho喜歡白雲像人的臉龐有哭有笑；Sugiy喜歡白雲像松鼠坐在樹枝上；Yukan喜歡白雲像狗跑跳；Sayun喜歡白雲像蝴蝶飛舞；Watan喜歡白雲像蛇搖擺在路上；Ciwas喜歡白雲像巴士，載旅客到任何地方。

人抬頭看白雲飛舞時，心情愉悅，知道有好天氣。爸爸媽媽、叔叔嬸嬸可到田裡工作，上學的小孩可到室外面玩耍，欣賞天空白雲熱情飛舞。