朗聲四起

Heza tu tatini uvaz-az a hinadas i tina kingna duma tu bananaz. Mesi-atikis somadaing qetbasun i kiningna-an tu tama. Al tupa tu iska-isaq kuzakuza, nanu tu qetbasun i tama istaa. Minkatini naip matua nait makulut i lukis. Pinahiva-un pa-ankus i titi. Sindamdamusun a ima makulut a, lusqa in milu’lu pisqedang.

Heza tu tastuqani­an, munhaan nai ba­av ludun qanup, tuza tu malavi tudiip a uvaz-az a. Tupa-un i tama ta ka uvaz-az a tu, “ uvaz-az! Hanang ti asu mal-uu, na mundingalan ang saak hiqiv haqu. ” Tuqna-un ang i tama ta tupa tu, “ malqasivunga iti, ka-a tu qamqam mudandaan i na minbuqbuq haan ludun ti. ” Samuq i lusqa tama ka makasuqis mudaan mulumaq.

Tonalumaq in a, tupasdu­-un i tina tupa tu, “ Minsuma in qan a amu? ” Tuqna ka tina  tupa tu, “ I-isaq mita ka uvaz-az i? Mavia tu uka malansan su-u musuqis i? Masiku-aq i? ”

Tudaukdauk a tama antalam tupa tu, “ munpunghav a uvaz-az haan ludun ta. ” Tupa-uk tu malqasivunga ita, ka-a tu katmang mudandaan, na matikhiv ang saak mundeza ta hiqiv i haqu.

Musuqis in saak a, uka uvaz-az haan pela-­an ta, ni-­i tu nepun tu mun-isaq, na niqu tutusqit saak luluklas a uka antatalam, minsalpu saak, miliskin saak tu duuq antabanun i qanitu kalasilis nait kalatun i ivut, ma-aq is ni-i ka duuq is antabanun i tumaz ma-un. Tan-a ka tina tu mopa ta ka, tinsuu pemangmang tangis, tastu-iqmuut ni-i tu mesabaq tatangis, masalpu ki uvaz-az is miliskin, kelakin ang mita ka uvaz-az.

Satangus a uvaz-az a saduu ki tina, tinsuu ka tina ki uvaz-az mapatekalpu tangis manahip tu musuqis a uvaz-az a. Saduu tudiip a tama tu musuqis in a uvaz-az a mulumaq a, miliskin tu miniku-aq nepa mulumaq ti ki tupa ni-i tu pekahaan daan madas munba-av ludun a, mavia nepun tu maqtu kan-anak mulumaq.

Tonahaan in a bananaz sia ka haan luak ta, inviqe-un istaa saduu tu duuq ikunbu nai tunqabin a, saduu tu ni-i ka katukatu ektasan, miliskin a tama tu na uka kunbu ta nai ki masihal a katukatu ni-i tu ektasan.

Miliskin a tama tu qalmangav in i na kingna-isa-uq in kilim. Makisuqis a tama mudaan mulumaq, musasuu ni-i tu kedu-anan nai ta. Matingna nai tina ki uvaz-az a mesnahaan luak ta mundaqvisan tu asang musbai, uka in a kantulun nai. I-ita nai miqumis somataz malisihal ni-i in miqdi.

有一個孩子從小被後父虐待。有一天，父子山上打獵，爸爸從別的路偷跑回家，騙孩子的媽媽，孩子不見了，媽媽大哭，整晚沒睡。孩子後來自行下山回家，媽媽馬上跑過去擁抱孩子，爸爸沒想到小孩這麼聰明，可以自己回家。後來，孩子和媽媽趁爸爸不在家，偷偷離家躲進山洞。

爸爸往洞裡探頭看一下，看到蜘蛛網沒有被破壞，認為兩人應該不在就轉身離開，媽媽跟小孩從洞裡出來，逃往遙遠的部落，過著幸福快樂的生活。