朗聲四起

kay tamacapicapila si tapadungudunga pangukai ki talyalai lakawkaulu niya ki Ngudradrekai, athingala tuhamuhu, ikai ki tasikahingalaladha ku tapaceela, ku taliyalaalai kya pasudalepe ikai ku kingdri ngilralraingi ku tapangihaehagela ku tatupacasa ki kahingalai, ku lakawkaulu sakathatha ku kadruwa ku hahana si lealemai ku adulruwa ahakai tukahingalai, lu ikai ku sahakaiya kibalrithi ku lamaema mamiya ki bava si beeke, la kitubi ki taliyalalai ki cekele ku aki palrainga, sana kai kipalraingi, kadruwa ka aimaka pangihaehagela ki kahingalailini.

pangukai ki sapa ngihaehagelana, kay silu amanilringa kudra nitukucingalra, amani ku cungulu ki daane, amani ku mwakalrivili ka samababadha, ikai ki talyalalai nimaucucucungula pakela ki lalaalake ki lagagagane ka nipakilibaka ka laububulu, la amani ku sapa tuthingala ku takaumaumasa tatakaenena si tasalamanemana.

lu alramadu pakitukwakudha ku tamakaelaela, tai tulrua, taieaeaa ku kulau ka tatitiki ka silu, taieaea ku kulau lahau madradrau ka silu, tadradrau ka taikalra ku kulau ka silu.

lu pangukai madu idra tatupacasa si tatukulava, yakai ku taukalrivila ku nagane, yakai ku maulailini, yakai ku sauwalai ababai niya pakitukudha.

kay silu kadruwa ka zaisange si lrigu sikathaa ku pathaheva, ikai ki kidremedreme ki Ngudradrekai, kudra Twaumase niya ki silu, wa dulru patahumaha ku akaesadha, wadulru pulebe ku akipakualriya, wa dulru lwakebe, wa dulru pathavungu. kudra makuciyacingalrenga ka niciuwa ka silu pwadringai piadringi ki kadilrunga, masalru kay sidrwadrumana ka dilrungu amani ku taikaiya ki abake ki cucungula, aidulru palakebe amiya.

kwadra ningikakakalrala sisilu la pikai daane ki lebe ki lrenege, kay Ngudradrekai masalru, kay silu yakai ku niyake, lakuni, ikai ki sacaeba ka lrenege taha pyakai ku sapatuthingala ka bahuhungulu, amani ku tangukakaiya ku niyake.

ku drumana, kay silu lu malangalangaimadu taha pangyamiyamadu tulrisi si sukubu, yakai ku taikalra ku twalrisiya niyaa, kadruamadu ka

ngwababelebelenge twalakadre, kadruamadu ka wacapange swaahe, lakaidu kupaupa, amani lu mucuga.

魯凱族的社會階級制度顯著，從傳統服飾到飾物有一定程度的要求，尤其是平民，更有諸多的限制。盛裝的重點，在琉璃珠。琉璃珠分為單色小珠、單色中珠以及多色大珠三種。依紋彩形制，有相關的名稱與神話，分男珠與女珠。串珠的位置，最貴重之珠，通常飾於項鍊最中間處。

琉璃珠有許多禁忌，是區分貴族與平民的指標，是個人地位、財富與性別的象徵。