朗聲四起

nizu yau lanas na lazat na pinilepaw, paqenanem ti iku masubulin ta leppawan. masang pataz iku Raputuy tu azu paqenanem iku ta leppawan, kasianem tu qawRatan tu nianiana uu ngid qan tu naququni ay qaqanan, nizu qasukaw qeman zin na tama tina ay, tangi mai tu lazat meqayla qanengi ti iku qeman mawRat. wanayka, ta aneman ku mai sasetaR tu kenasianeman. paqenanem ti iku masubulin ta leppawan, mai tu lalazat mai tu sunsuni, temayta tu tilibi nani? nizu qalizaqan na tama ku ay, mai iku melizaq temyta, ta setangi deddanan, ngid lusit tama ku, tayta ka tu qangidan su ay tayta tu tilibi zin na, timangu tatalinan ku tilibi kemilim tu sataytan, Raynguan ku tu niana ngidan ku tayta, qangi ma kemilim tu sakelawkawyan na leppaw, yau tina ku ta leppawan nani pataz meqayla timaikuan, simeng tu saqsaqayan mai ngid panmu kelawkaway tu zana leppaw, mai ti ngid tayta timaikuan, qumRas timaikuan pasinap, semupas tu tipan na leppaw, meRasa tu Ribang na leppaw, temuluz tu muwaza sakelawkawayan, ta setangi, melusit ti tina, kingngan na ti iku ta leppawan, wanayka, ta setangi mai iku tu sakelawkawayan, liwaliw mai nengi ya anem ku, manna senazau zin na anem ku, hibangan ti, ussa saqsaqayan ti ni?

mamu hibangan deddan mapesi samangsa? paqenanem ti iku ta leppawan, liwaliw Rayngu ti iku mawRat. qangi ma iku padingwa tu kaput pakungku sidadak! padingwa mesiRis samangsa tu kelisiw, yau kinsepat betin, kinulima betin dingwa na kaput ku, mai tu paqenananem mipil tu dingwa ku, manna senayau uu mesukaw iku tu kaput ku ni! Raqana mai ti tu kaput ngid ipil tu dingwa ku! taytan na dingwa ku taqa ti ipil, uu melilizaq ti mawRawRat qaniyau, mai ti ngid Rining temalumbi timaikuan! tuRuz na yau ti paqenanem kaput ku mipil tu dingwa ku, munna imi simtawik nani qawka iku mipil timaizipana, qemuni aizipna tangi? manna? seking? manna Raynguan ku? utani deddan setangi? ay ya! seking pa ti temawaR  manna Raynguan ku ti, kalingunan ku ti? simunang iku madded tazian, mai tu kaput mawRat, ussiq tima deddanan? naquni ya ka ti meliyan tu sudad mai ti iku tu anem ngid qawRat, melalazuk ti ku meliyam tu sasekingan.

今天家人有事外出，只剩我一個。在之前，一直期待這天的到來，吃平常想吃卻不能吃的，盡情玩耍，這天到來時，心中卻和自己所想的不一樣。

家中空蕩蕩的，看電視嗎？不知道要看什麼? 沒事可做而感到無聊。難得的假期怎麼就這樣浪費？乾脆打電話找同學聊天，聽到同學說要沒時間跟我聊天，要準備考試？天啊！現在是幾號？明天要考試，我怎麼都不知道？我還悠哉地坐在這裡喊無聊，我要怎麼準備考試？不聊了！我今天可要忙死了！