朗聲四起

mesanem nengi uRu na sunis ku, usepat pama tasaw na, ta ngayawan na pinileppaw, suppaR sanuan mesanem ay sunis, ngid pakalamaz tama, tina ku pataqsi tu yuceyen, mai semulul baqi ku, kiya pama tasaw na zin na baqi ku, tuRuz na simpasiRang ti tama tina ku seRay baqi ku, taqsi pa tu saqutuan tuttu na tanan ti qeman satuttu.

ta ngayaw utulu deddanan nengi pama, mai tu qalaydawan, timangu ta saqasepat deddanan, azu pitemawaR baqi ku yau ta pispisan maRaw tu tananan na suani ku, pitemawaR temanan ti suani ku qawka imi qeman satuttu, melana imi tu suani ku, melaziw ti qitun na patungawan tu suni temanan, timangu mai pama temanan suani ku, siangatu ti melaydaw tina ku, unnay nani Rusanu ta tilibian, yau qemapaR tu sunis ngid tu kelisiw ay zin na, mai tu kelisiw sabulan ay lazat, ’tungan na patay ti sunis ’nay, padingwa ti tina ku pasa yuceyen, semanu patudan na yuceyen nani, niz ti nitungaw ya suni temanan zin na, palana ika qakikiya zin na tu tina ku, melalana imi, maqezi ta tuttu Rabtin yau uzusa dukian temuzus tu melaziw ti tu dadusa dukian, niz ti temanan ya temungaw tu sunis ay qitun, mai pama temanan suani ku, temuzus ti tu qemadanan ussiq dukian, padingwa ti muman tina ku pasa yuceyen, yencang na yuceyen seRay patudan na yuceyen melaydaw maytis ti, mawtu ti salepaw niaq temita, mai pama makala suani ku, meqaqayla ti baqi ku, mai pama iku tumayta tu baqi ku qumnut tu nayau. melaydaw ti imi meniz tu qunian ti, nani qemadanan ussiq yau dadusa dukian ti, yau ti ussiq dingwa, lazat na maqezi ta kungsean ay, semanu tu tina ku, yau suani ku ta pispisan na kungse muRing zin na, melalazuk ti tama, tina ku matiw, taytan na suani ku nizu kuky ta lubusan na ta liman na suani ku, nibulan na pakelawkawayan na kungse, qawqawma muRin, ta zaisan na nizu Rusi seRay nguwit, paRuan na tina ku muRing ti kinnawsa. tuRuz na qawka suppaRan niaq, pitemawaR tudan na tina ku suani ku meliyam tu dingwa na leppaw, yauqaya, nangan na tama, tina ku, qawka suppaR padingwa ya pakelawkawayan na kungse pasa leppaw niaq, unnay siangatu mai ti lapusan na pinileppaw ya suani ku. unem ti tasaw na qawka muman matiw temaqsi tu yuceyen.

四歲的妹妹是聰明的孩子，爸媽要讓妹妹提早上幼稚園，爺爺反對，最後讓妹妹上半天班試試看。

前三天平安無事，到了第四天，爺爺在陽台走廊邊等妹妹吃中飯，娃娃車全返回幼稚園了，卻不見妹妹的蹤影，園裡的老師說小朋友都送回去了，等到下午一點半，媽媽和園長與老師們開始緊張，爺爺開始發飆。沒多久接到一通電話，說妹妹在他們公司走廊哭。後來才知道媽媽平常教妹妹背家裡的電話，爸媽的名字，員工才撥電話到家裡來。