朗聲四起

Isnava’an ata imita madadaingaz tu asa dau tu nimnimun a ngulus, nitu qalmang babazbaz, masamu dau mapazikpik, masamu amin silalaluan babzbaz; biaqis nii a sinkuzakuza maszang i sinbabazbaz mita; maaq a qalmang babazbaz tu bunun a, natis’ia, na tau’asqazun i diqanin.

Imita madadaingaz pasisimul i ikmama’aiun, sanasia aingka inaita sinpatumantuk tu qalinga; maaq dau simul i qanvang a, maaq i masuqisin i qanvanga a, asa dau tu mapakaun i taimi qanvang ta; maaq i simul i tilas a, sanasia sinpakatnul maipasimul bunun ta tu baluku masuqis, masamu mapalasmuav bunun, nitu maqtu nii masuqis i sinimula. Maaq i mapabaliv i dalaq a, nitu makusia patasan siin la’ingkang, Muqa dau aingka sanasia sinpaibazbaz tu qalinga ka mapinia. Maaq dau ka inaita sinpaibabazbaz a, sauqabasqabas malmamaupa. Qabasang a patunqaqalang ata bunun, kanasia dau ka mapa’is’av un tamatina tu qalinga ta kuzakuza, maaq i tupa’in dau tu piaq a babu ispa’is’av a, piaq a davus sasngulun a, niin maqtu kaqna’an.

Laupakadau ata Bunun a, ula’anin i duma tu siduq, niin a sinbabazbaz mamantuk, silalaluanin malkabunun babazbaz, sisili’in amin a uvazvaz’az duma siduq tu uvavaz’az min’uni mapusasaksak, tamakasuin i madadaingaz. Madia’in dau ka uvavaz’az silaluan taqu ki madadaingaz tu na mabaliv i haqil, nautin dau ka tamatina masaiv intaa sui, amuq is

mmuqaun intaa sui ka isbaliv i davus, tamaku siin saviki.

Maszang amin a pasungkaviaz siin minpakatuszang un. Maaq i pasungkaviaz a, asa tu mamantuk a is’aang, nitu maqtu mapalasmuav i sunkavaizan suu tu bununa, aupa haiza istaa tamatina, na masalpu naita is’aang dis tamakasu’un mita inaita uvaz’aza.

耆老教導我們不隨意說話。商借工具用品，都按約定去做。買賣土地，不寫契約書，也不蓋印章，只是口頭定就有效力。結婚習俗是依照雙方父母親事先約定完成，雙方決定要宰殺幾隻豬，要釀幾斗米的酒，就不再改變。

現在有許多的欺騙的行為，只是嘴巴說，沒有寫合約書，造成金錢無端地消失。交友和婚姻，也是如此。交友要真誠，夫妻也應依照約定生活。因為欺騙的人，人人討厭。