朗聲四起

pulavalavai tucu a ’adav, vaika’en a kipavalit tua ’ucengecengel saka ladruadrue’ a kasuy, katua sitjukatjukap nu ’emudjalj. tazua punetalj a’en a kimukav, sa mangtjez a semanekaiv, sa ku cianen, tjara sangua’ a ludjuludju ayaa’en. ka ’emcap a’en sa ku kilingavi, ua! manu ’adit saka dekec, izua za ’usuraman a pagalju dri tazua! kivada’anga a ’en tjai kina i lawlav, djemeli ti madju, mayatucu a ’ivu tjanuaken, “ tja selaven a palamu, tu semu’adit anan, satje paciwan tua suantau, pumaya ljamljam uta, sa tja ciani, numatazua kisangua’anga ” aya! haha! nu ikatjen a napavavala a kilaut tua sengesengan, tjara nekanu tja sinikeljangan a pa’ulid ayaken a kinemenem!

sangua’ a mukav apa’ulid, ljakua macemecemel a kiljaceng, na ’emutela aravac, kipavalit satje mirava, mayanga nagemagalj aizua, ayata madjuluitjen a mangada tua ljaviya kata mageris ta djuy; palemek nu sedjakdjakitjen ta karickic ta vini’u nu ’atjuvian! nu kinemenemitjen tucu, tjara magagaljitjen a pa’ulid! izua za kuvinarungan, tu kaika tjanangua’ a veneljuc tu pida ’apuluan sa sitalem a pasazua i ’elju’eljuan ta puljacengan, tjasarengua’ a kipakakuda. nupucug a’en ki’udje’isenanga, ika makapidalj ki izuanga pumukavan aya ’en a malevaleva.

a pa’ulidangata azua sinitalem a tja lami a va’u a ljapanay a ljasiak a vasa a ’a’ilj a vurati(vurasi), katua nakirumadju a venangalj a mareka ljaceng, kumalji ki maumaljanga ta sikarakudan, katua meliavanga ta papili’an a kakanen, nakuyaitjen a dremaudrav tua tja kakudan tua ta lami a kemasicuay. ayata aicua ta kinacalisianan a lami, kinasaljingananga, metjuruvuruvuanga tjengelay, saka sinanepazangalanga auta!

蕨菜俗名過溝菜，蕨菜有點苦味且黏黏滑滑。種在後院的菜園，菜園裡有苦萵苣、山蘇、龍葵、鳳菜，永不缺菜。食安問題令人害怕！蔬菜農藥過量、沙拉油等等問題，吃了不該吃的食品，引發身體病變。醫師常提出建言，要多吃自然簡單的食物，少吃不明的混合物。

老祖先都是這樣生活，田園的雜糧（小米、玉米、南瓜、芋頭、山藥、地瓜等）和野菜是生活的依靠，也是養育我們的來源。
時代改變生活，食物跟著變多樣，但是，不要忘記傳統食物！