朗聲四起

tnmuyax ita tayal cyunga hiya ga, qutux yaya ini ga qutux nniqan mqqasux ru msqun maki, glax ro ini k’ubu ciyan kinnalay nha kki’an muyax, ktayux uyi, wahan inaw qsya ini ga behuy, ana ga baq calay bnheci ta uyi, musa tmuyax syax kraya mtblaq na gong ini ga llyung, qutux uyi ga, baqun mwah mebul qsya.

qqaya na kkalay muyax ga, s’agan nha khuniq ki rruma, ini ptnaq qabax kinkalay nha, pisang nqa qalang Pinsbkan ga, maki iyik roq qa muyax nha, tnapaq btunux qa slamux naha, yulaq khuniq qali qa qqalang nha qnryang, ini kngungu behuy. pisang nqa kahul qalang bnheci na Mklapay hiya ga, pcqrux qa kinkalay nha muyax, mwah cqa te binah blihun nya, knalay nha kkhuniq. qalang na Truku ru Byoric Tay’an ki gglux llyung na Tranan hiya ga, skbalay nha rruma, glabang tgatu rruma cyan nha pmiyon, mblaq mtama qa muyax nha.

kki’an na ita tayal qalang Girang qani ga, gmwayax cqa ki’an qsya ro syax na llyung, ktalan uyi qa cinmuyax, caxa ini ga mrusa qa ’byan nya, qbsuyan maki wagiq, sswahi m’abi cqa te ’lax ki te ’yiyil ro ini ga te hugan, maki uyi tsaliq qmayah m’abi kya. mkssobih qa qutux saying muyax ga, mutu muya phpah qlangan naha qnryang, qutux qutux muyax kmihuy ro sqalang naha paris mwah miyup, nanu mica pyanga maki sqa iyik roq muyax na tayal cyunga.

ini ptnaq qabax kinnalay nha muyax, iyik qsahuy na muyax ga hpuyan, tyugan btunux qa hka, hpuyan ro tmahuk tbihi, skbalay paga babaw pnhwan, s’utu minteluq  qhuniq  mna  kinniyay  pnhun,  qutux  uyi  ga,  kkiyap  naha llamu na pinbahu. qsahuy na muyax maki qa phkngyun nya ro ’byan ’pa maki cqa te hokuy, khuniq, ini ga bnka rruma smagan nha kbalay, “ ’pa ” son nha smi lalu qani, ’byan na llaqi knerin krakis ini ga sna naha llpyung kahul thiyaq mwah mpiyil m’abi muyax, qutux loyi na hkuy ga, skbalay naha khu, smku cqa nniqun ro qqaya ini ga baliq.

thiyaq pinhkngyan cnbwanan qa bnheci na tayal lga, n­_gyut ini tnaq qqaya kkbalay nya la, ana muyax uyi lga, wayan m’iyux la, skbalay naha muyax la, ini swan qa cinnalam ga, musa mqutih qa pintyawan nha uyi.

古時建造房屋各有不同，依人數多寡，分單、複房，族長居高處，其他列左右或下方。亦有因耕作之故，為「半穴式」的房舍。屋內的最深處為廚房，爐灶是兩組用石頭設置，一組為煮飯，一組煮菜，爐火上方的木架擺放柴火；木架另一個用途為放置餐具及乾燥穀類及其他物品。屋內除走道外，床設於屋內四隅，以木材為外框，蘆荻、細竹或竹片編床面。另外擇一牆角為倉庫儲存食物及置放工具、刀槍等。

良好的居住地須經占卜為吉地才能建造定居。