朗聲四起

qnxan na Tayal cyunga ga, ini p’ubu ciyan, qmalup ru mqumah qa puqing klhangan, garing kinlhangan Gipun ru Thelu qani lga, wayan nya suqun hmiriq qabax qa gaga na Tayal la, ini qbaq nanu gaga qa qabax llaqi kinbahan nha mwani qani.

garing qa mtuliq smi inlungan gaga nanak lga, nyan tgatu m’iyux qa qnxan la, nyan garing lokah calay psbaq gaga na Tayal la, lmnglung maha puqing hmali ke ki gaga na Tayal ga, pisang qutux nanak na snibil bnheci ta, nanu mica ptuliq ki plahang puqing hmali ke ki gaga na Tayal ga, puqing calay na yaw ptyawun mwani qani.

kahul puqing qa pinqbaqan, iyat nanak rmurux ki psbaq ke na Tayal, nyan pcqrux uyi qa puqing sskwan psbaq biru, qabax pqwasan biru qani nyan rmurux yaw na gaga ki qnxan tayal, pisang qa yugi Tayal, tminun, kbalay qqaya na tlubux qwas…, ini uyi ga kbalay kki’an psbaqan ke ki biru Tayal maki cqa qalang. teta aki mblaq ’mubuy ru mlahang gaga ki qnxan ta tayal, hmkani wayan mqluy qa gaga ta. ana nqa qutux qutux qalang ta mwani qani, cyan lokah cbalay lmnglung pcqrux ru lmeliq kinbleqan qnxan ta, aki khmay ccquliq kahul qqalang mwah mcisan ro mangay rrgyax ki rroq ta.

maki qutux calay psyaqan na ke mha cqaniy kmayal, “ ke na kahat ga, cyan musa pktayux cqa he na byoing ma, ke na ngayngay mga, cyan si kkmwa yalun kmxan ma, ke na ttayal mga, nyan myangi cbalay kmxan lma ”, ana nqa qutux cbalay syaqan na ke ga, cbalay na yaw. maki qutux biru kahul thiyaq syax na bcilung miru mha, “ saying hngawan na ryax mga, qutux qa ke na tayal wayan mrpyut ma ”, ke na ttayal ga, pisang hmali na lkyaya, mskyut qa ke lga, pisangg mnuqil uyi qa cquliq nya la, ana maki qa llaqi ttayal ga, uka qa gaga ga, musa uka uyi qa ttayal la. iyat calay tqlihun ywaw na ’ubuy na ywaw gaga qaniy, ini ta sbiliy lga musa uka qa gamil na qabax llaqi kinbahan la.

khmay calay mrkyas na Tayal ga shriq qalang wan shyiy maki qalang na bnux, wan mqniyat nanak skaki naha qalang b’nux, ana ga baq lmnglung gaga na qnxan, ini naha kingi qa gaga na Tayal sqyanux naha qa qalang b’nux kya.

原住民文化受到改變，本身族群文化有很大的疏離感。近年來，文化復振是現今原住民族群最重要的工作。

教育上，除了大力推動母語教學，原住民族學校均設有原住民族資源中心，鼓勵學校辦理文化傳承活動，例如：傳統舞蹈、織布、串珠、傳統器樂等；部落積極復振各個族群的語言，使族語能夠永續推展；部落總體營造，改善經濟生活，以觀光經濟有所改善。母語及傳統文化的復振是刻不容緩的事情，現在不做，未來的子孫將會找不到他們的根。