朗聲四起
i qa qutux cinmuyax myan, maki yutas, yaki, yaba, yaya, ro kingan, qnxan qa muyax myan hiya ga, s’unan ssyaqan ro pinnqas, ana m’ima pktayux kingan ga kmayal maha, isu ga maki qutux kinqoyat na muyax. yutas ga si psyaq kmayal, yaki hiya ga thuway lungan nya, ms’su hayiy yaba mu hiya, yaya ga pisang lpyung mu baq miq lungan, qabax kinblaq qani ga pccwa pcqrux kinqoyat na muyax myan.
siyon mu muyax mu, baha hmcwa, maki niqun ro maki lukus plkusun, mqniyat ro moyay calay mtiyaw yaba mu, yaya mu ga, lokah snpuyut qnxan muyax uyi.
tgaring cmyax kayan qutux qutux ryax lga, wayan mtiyaw yaba ki yaya mu la, nyan ta m’abi cka helaw na, pungan qa hlbax kinkplan kakay ro ini tgawah na royiq, ktalan mu turu yaba mu mhtux blihun, mngihuy ro sgalu mu calay, pgalu ro pzimuw cu aki mblaq mtiyaw qutux qutux ryax yaba mu.
yaya mu ga, mqniyat calay ro puqing pklahang qnxan muyax, musa mtiyaw mqumah qmayah uyi, trang piyux pqmahun ga, cami llaqi nya uyi ga, musa rmax cikay kin’wiy na yaba ki yaya, hupa hayi kawas mu hiya, rmax cu phapuy, mahuq lukus, mlahang swahi, teta ini nkux yaba ki yaya mblaq mtiyaw.
ita llaqi ga, siki syan ta inlungan qa yaba ki yaya, mgcquliq calay la, qani ga, pinsbaq na yaba ki yaya krryax. nanu mica, siyon mu muyax mu, siyon mu calay yaba ki yaya mu uyi, baha hmcwa, naha qmnayat ro pinsbaq kingan. nyan cu maki kinblaq na muyax, qani ga mqoyat calay na yaw.
yaba yaya snyan mu inlungan, cimu hiya ga tyaba cintman mamu maki iyik qco lungan mu, knahu cima pinsbaq kingan, mtama mshoyu na cntma , knahun cimu baq cu calay cukaw qutux qutux na ryax, ini mu hmciy shotax ryax, qabax qa pinsbaq mamu ga iyat mu kingi, ana su knwan krryax ga galan pcpngan qa qqnxan mu.
我們一家有五口，爺爺親切、奶奶和藹、爸爸嚴厲、媽媽是我的知心朋友。我非常喜歡我們家，爸爸每天辛勤工作，媽媽則打理一切家務事。每日清晨，天色剛亮父親就要出門工作，看著爸爸出門的背影，讓我感到心疼又不捨，我會祈禱爸爸一天工作都平安。農忙時，家務事就由我們分擔，我們會幫忙燒菜、洗衣服、照顧幼小的弟弟妹妹，讓父母能安心的工作。
我愛我的家，更愛辛苦教育我的爸爸、媽媽，我生長在這樣的環境，是件非常幸福的事。