朗聲四起

Taquan ata tamatina tu, asa tu maqasmav kuzakuza, na niin ata mitsauqzang. Qasaman amin ata tu katu mangai. Aupa maaq i mangai a, na’uka a quma, maaq i uka a quma a, na’uka amin kainikuzaan, uka kainikuzaan tu bunun a, na’uka sui ikma’aiun. Na lusqain minmaqalas, katamalun i duma bunun.

Ihaan ata ka’ku mapasnava laupakadau, madiang mita napasnavaun, maszang a ka’ku imita quma kuzkuzaun mita. Maaq a haqil un a maszang dalaq unqumaun mita. Maaq i masmutin a, asa tu labutun a ismuut mapistaba. Maaq i az’az batu a quma a, asa amin a batu tu in’aiun matakunav. Maaq i nii a quma kakasai’un a, na’asmingun a imita sinsusuaz, na nii a sinsusuaza masihal tal’ia kalaas.

Maszang dau ka ispapatas a ikmama’aiun isunququma tu tangaa kaul siin via; maaq i nitu madas i is’ungququma munquma a, na nii ata u’kuzakuzaan i quma ta. Mangangai tu bunun maszang tangaa, kaul siin via tu mintaubinangan, minqaitmal, tinpangil, niin maqtu ikma’aiun kuzakuza.

Nitu kaupa ihaan ka’ku ta maqasmav, maszang amin ilumaq tu asa tu maqasmav. Atikis mita kuzkuzaun ilumq, kaupa ma’asik mapiningzav i lumaq, mavail i sintakukunav, mindangaz tina mapatit’ia ki aisanig, mindangaz saipuk i masisinauba, masinav i hasi, tataku siin baluku. Intunun ata mapunquma manahiav, asaun ata tamatina mapakisniap i iludun tu kuzakuzaun.

Tupa madadaingaz tu, maaq i kuzakuza a, asa tu minaqtung a qamimamangsut. Paqpun maaq dau ki asa mapinsia ki kainikuzaan a, asa dau ka ikmama’aiun qaimamangsut tu minaqtung amin. Haiza ata a asnitu kanasia tamatina tu qalinga kuzakuza, minmangain a is’aang, kaupa qaitmalun a kazimaun; saduu tilivi saunhaan misqang-maqmut. Paqpun listutudulin ihaan ka’ku isnavaan sinsi. Iskinuzanin i duma u’uskunan. Tupa imita madadaingaz tu, maaq dau ka magangai tu bunun a, na nii intaa qabasin iniqumisan malisihal. Paqpun asa dau ata tu maqasmav kuzakuza.

 

父母親教導我們，認真工作就不挨餓。長輩警告我們，我們懶惰，就沒有工作，會被人瞧不起。

學校好比是我們的農田，我們在那裡工作。書本好比是農田的土地。農田長滿雜草，必須把雜草拔除燒掉；如果都是石頭，必須把石頭挖掉。假如我們懶惰，農作物會被雜草掩蓋，無法生長結果，最後枯萎而死。

文具好比鐮刀和鋤頭。如果沒有農具，我們就無法工作。懶得用筆寫字，就好比鐮刀和鋤頭生鏽、鈍掉不能用來做工，心智也會遲鈍。

在學校認真，在家裡一樣要認真。我們要牢記前輩的話，要得到幸福快樂的生活，就必須認真地工作。