朗聲四起

yaw na “ pinqyuwan na Pinsbkan Tayal ” qani qa yaw na‚ ringan na kinlulan Tayal. ke san maha kmayal “ Pinnsbkan ”, sbahan ta nglung yaw hngiyang qani ga ki’an na bnka kya, inyuxan qutux ke ga bnkan qa kki’an qaca, san maha “ Pinsbkan ” qani.

glabang ciyan qa roq nya ta ki’an, ini ptnaq pinqiywan nya uyi, nanu mica, yaw kinhulan qani ga, ini ptnaq kintayux ta uyi.

khmay cquliq baqun naha yaw na pinqiywan qani, yaw kinhulan ita Tayal, minnaki ta kya qalang na Pinsbkan, nyan maha cqani minniru naha maha “ minnaki ta b’bu na Stbwan, Pinsbkan son naha smi lalu, puqing ke na Tayal ga, bnka btunux , pisang roq na utux bnheci. cyunga ga, maki cqani qutux hopa calay na btunux, si tbah mcka qutux ryax, kahul cka na btunux, mhtux qutux mlikuy ru qutux knerin, nanu naha puqing gringan calay bnheci ta. saying naha qani msqun ru mbhuyax llaqi, snibil maki kya rgyax ga, llaqi na Tayal, kya qa mbiyaq mwah te hugal ga, llaqi na binah Tayal. ”

kyalaw misu loyi te saying na yaw pinqiywan, nyan mha cqani minniru nya, “ rgyax na Papak Waqa cyan maki qa te htgan wagi na qalang S’uraw kmapah kya llyung na Mknazi. maki qa sinbilan ke maha, obeh tehuk b’bu na rgyax Papak Waqa, cyan mhtux kya qutux btunux, cyan tlqeng kya qutux mlikuy ro qutux knerin, nanu qa cyaqung ki siliq, qutux qutux ryax mwah pyimux cqani aki mhtux cquliq qani. maki qutux ryax, mhtux calay qa cquliq la, mhtux qutux mlikuy ro qutux knerin, msqun saying naha, mbhuyax m’laqi, tehuk coni kya pisa kbhul kawas wayan nanu qani qa qabax llaqi Tayal na sinbilan. ”

pinqyuwan na tyaba kawas maha, bnheci calay na Tayal ga tyugan piyang calay bnheci ta, Lkbuta, Lkmyabox, Lkmayan tyugan he naha gnaring Quri Sbayan s Pinsbka shyiy skura te tl’lu kki’an, kmarus skta hbun Sburuk, kmarus quri Hlusan, sta quri Sqabu, quri Sqabu hiya ga ptvingan qa pisgayan na qabax ccquliq Taya, wayan mhkani mblaq na qyunam, blaq na cnroqan, blaq na kki’an kya.

泰雅族祖源傳說，以「賓斯博嘎安的裂石創世」記錄泰雅族的發源地。「賓斯博嘎安」解釋為「破裂之處」，其詞根是「博嘎」，意為破裂或分半。關於我們泰雅族祖先的起源地，是位於現在南投縣仁愛鄉發祥村瑞岩部落附近的台地上。一個名為Pinsbkan的地方有一塊大石頭，有天突然裂成兩半，從中生出一男一女，這兩人結為夫妻、繁衍子孫，留住此地者，即成為今日的泰雅族。有關泰雅族起源傳說，起源地點各不相同，但大多是和石頭有關，真是神奇！