朗聲四起

Uka bunun maqansiap tu sikaskuaq a diqanin un. Maaq i maning’as a diqanin a, masanglav a diqanin saduan, mastaan tu manau’az daingaz, uka isiata ka pas’upa’an. Maaq a luhum un a, maszang i hulus vinilis ihaan diqanin dadaza ta. Vaivivaivi a luhum un saduan, haiza ka maduqlas, haiza ka madangqas, haiza ka masinghav, haiza ka mataqdung. Maszang aingka mita bunun haiza’an i bantas, mudadadaan ihaan daza diqanin, mapa’ia ki vali, naniin ata bunun masmuav tu taibaqaisun i vali ta.

Ihaan amin buan un diqanin dadaza mudadaan, taqu mita tu kaskukuaqin imita bunun tu liniqaiban. Taismaipia ka buan un, haiza ka mabailulu, haiza ka panmisqang a kaibuqulan, haiza ka makuis tu masidakis, haiza ka makuis tu masitaluq. Sanavan qanian a, nii a buan un isdadauk minsuma muqaiv ihaan ludun. Duanduan a buan laqnutan i vali siin luhum, nii ata usaduan. Kanasia ata buan kaquma, minang, manatu siin sina’ima i kakaunun. Maaq a buan un a, isisipul i lulus’anan tu dailaz; maszang lus’an Pinanagn, lus’an Malaqtainga, lus’an Andaza. Maaq a diqanin a sanasia amin buan tun minvaivivavi.

Maaq i qainudanan a sansuma ka qaivalval, taismaipia qanivalval tun a patas, haiza a madangqas, haiza a masanglav, haiza a masinhav. Ihaan aipa diqanin kahatal ispasaduu mita bunun. Maszang tutuza al namaqtu ata tunhatal ta munhaan diqanin dadaza. Mastaan dau diqanin tu manau’az daingaz. Aupa vaivivaivi a diqanin tun a ispasaduu mita bunun, namaqtu isqailangun mita, mapinaskal mita is’aang.

沒人知道天有多大。有各式各樣的雲，雲彩酷似家的屋頂，為我們遮太陽。月亮有幾種月形，有圓的、橢圓的、上弦月、下弦月。月亮從不停止地照耀。天上有閃閃發光的星星，綻放光明，有的看起來很亮，有的看起來不明亮，有的看起來要熄滅又不熄滅。

雨後會出現彩虹。彩虹有很多的色彩，只有三種色彩比較清晰呈現，有紅色、黃色、青色。色彩彎曲成橋的形狀，好像可以搭橋到天上去。