朗聲四起

Masa min-pakalivaang tu tus-a, aiza dau tu dadusa tas-an, masituhas hai tupaun ngan tu Vilian, masinauba hai tupaun ngan tu Talum. Nai-ia tu tas-an hai malauskav at mangaspah, istamasazan. Madungdung Vilian, mazima Talum tusmumuav makuniv. Aipincin cis-uni sima namin lavian, masituhas hai min- uni tumaz, masinauba hai min-uni uknav.

Isia asang tu lavian hai madaingazin at dahpaun, mapatupa madadaingaz tu na-asa tu sibinsah mas bahlu tu lavian. Aiza madaingaz tupa tu, namahtu Talum pinsiaun, aupa uvazang at istamasazan. Haitu vivingving itu lavian bungu at tupa tu, masial! Haitu nii tu kaupa mas maka-apav saduan, mastaan sahusbuun hai inihumisan, asa tu madungdung sianisnis at namahtu sidangkaz mamita. Mapatupa madadaingaz tu nasia mas Vilian pin-uniun bahlu tu lavian.

Haitu nii masinauba Talum manaskal, miliskin sai-ia tu isaicia hansiap tamasaz sinmas hainupan, upa-upa mas masituhas Vilian, musasu tu saicia maka-uvazang, mavia tu nii tu saicia pin-uniun mas lavian. At tupa mas masituhas Vilian tu, mapasavai kata tu simabin mastan mamangan istamasazan i?

Aiza tu maitau naispasavai naicia, tasa hai mapithus lukis, savaian Talum. Dusa hai kudadaza sia lukis, maldauk tu Vilian savai. Hai-iap Talum tu savaianin at sankuaskuas macisbai.

Tailsupahin, nii Talum kulumah, mahanivang itu Vilian is-ang at, kusia libus kilim mas Talum, dungzavin sai-ia ukiliman mas tunghabin tu nauba-nanaz. Makingitngit Vilian tusingav mas Talum tu, isaincin hangsia kasu malisvala. Haitu ni Talum antalam, tuhna Vilian tupa tu, mais niin kasu makuniv masumal hai, namahtu amin kasu habasin min-uni lavian.

Tupa Talum tu, islunghuang kasu, nakudip saikin kilim mas nakaunun. Usaduan a saia isian daan mas manau-uaz at mapatas tu batu, sizaun saicia ishushus sian lutbu, tuza lutbu tu mapataspatas manau-uaz daingaz at manaskal sai-ia.

Taunasia islunghuan naicia tu lakua, sadu Talum tu masabahang Vilian, at tushungun saicia makuuni biu mahushus. Minmakavin Vilian cinhuza sadu tu manau-uaz ituTalum lutbu, haitu matahdung itu an-anak lutbu, at maz-av a nai-ia musuhis kusia asang. Aipincin katsia nai-ia libus mihumis, min-uni Vilian mas Tumaz, min-uni Talum mas uknav.

兄弟倆中，哥哥Tiang內斂，弟弟Talum驕傲。部落統帥年老需選接班人，耆老提名Talum，但統帥認為需謙卑善良，最後選擇Tiang。Talum不服，要求比賽。第一項比折斷樹木，Talum折斷樹幹，Tiang連根拔起。第二項爬樹比賽，Talum先爬卻因豬油滑倒，Tiang靠指甲緩慢爬上。Talum羞愧逃走，Tiang尋弟勸他若不驕傲，也能成統帥。Talum用彩石搓身變花紋，惡作劇將Tiang全身塗黑。Tiang醒來變黑熊，Talum成雲豹，從此兄弟分離，各居一地。