朗聲四起

potngor ila ka hahila: ’am kaSlatar ray kam’ol’olae’an kakiSka:atan. haeba:an ka ’aeh’aehael mowa:i’ patSoSowaw ’iniya’om. mahoero: ya:o kiSka:at rini, kamatortoroe’ kil kamakiSka:at naka ’aehae’ taew’an, niya’om kapa’onhaelan ’akoey ka ’ima kayzaeh a ’ima ’omahowiS ka’az’azemen.

Sahpi:ih ila ray haeba:an kaSangayan, yako ma’ rima’ ray kam’ibabaw sowiti’ kakiSka:atan kiSka:at ila. ’oka’ o, ya:o maSriyae’ a tomal kakhayza’an mita’ pinakakSiyae’an hahila:. mak’aehae’ kamatortoroe’ ma’an rengreng ka’az’azemen ’oyaeh, siya pakpakaysawa’an.

kamatortoroe’ ta:in rengreng sawsawa’an, ma’onhael ki siya kayzaeh ka hina’azem, ’ana hiya’ ma’onhael ma’ repe’en nisiya. kakhayza’an ya:o hila:an kayni’ maShaha:i’, ma’ ma’az’azem kamatortoroe’ ’am tomortoroe’ o ’am ponrowa’ mita’ ka kina:at hopay a tomalan. ’isa:a’ ya:o nonak rima’ komi:im hi siya Sa’ ’am tomilhaelhael. siya makSa’ Somiwa’ komoSa’ “ ’a:ay! ” yako ’okay ’angangi, ’okay koSa’ ’omayboel hi siya ’am matawaw. siya makakreng tomortoroe’ ’iyakin, ’am nak’ino’ matawaw? nak’ino’ mayaka:i’ kayzaeh?.

kamatortoroe’ ta:in sin’elan ’okik tomal a tomal nak ’ita’ hingha’. ’oka’ o, siya makakreng tomortoroe’ ’am mobe:ay nisiya ka kinra:aman saboeh no korkoring. So: yami hayza’ ka ’ima ’awmomza’ ma’ kayzaeh somingozaw hi siya, maehrahrang ma’ kayzaeh. ma’an kinita’ siya naka ’a’oral ray naba:an maSnabeSbeS, yami naka pongaeh a hinbetel poralomon nisiya. So: ’oka’ ka ’a’oral pa’is’oehen ka ra:i’, ma’ ’am ’oka’ ka ’ima kayzaeh ka pongaeh ki hinbetel. siya rengreng manabih Sa’, “’ima kayzaeh ka:i’ nakhara ray ’amiSan pakha:olhoel ka mae’iyaeh; ’ima ’aewhay ka:i’ naka Siba:i’ koma:as Sanpangih ka mae’iyaeh.”

kamatortoroe’ So’o ma’alo’ a tomalan! ray kam’ol’olae’an kakiSka:atan malahang a tomal ’iyakin o tomortoroe’ ka kinra:aman ’iniya’om. So: ’oka’ ka tinortoroe’ niSo’, yako ’am haSa’ ma’az’azem naka ’o’owa’ nanaw. kamatortoroe’ ma’alo’! mayhael ya:o kiSka:at ma’ ’am mahoero: niSo’ ka tinortoroe’ makakreng kiSka:at, So: kaSlatar ila ma’ ’am makakreng matawaw, Sobaeh niSo’ ka tinortoroe’. ma’alo’ kamatortoroe’, So’o pakhopayen ila!

又到了畢業的季節，回想這些年，陪伴我的老師及充滿回憶的大家庭，有許多的不捨。

升上國中，我仍懷念國小的一切，偶爾也想念ta:in老師。ta:in老師總是笑臉迎人，讓人感受到快樂的氣息。以前，我中午都不想睡覺，所以我自告奮勇要去幫老師的忙。老師讓我當小幫手，教我如何做事、說話。

老師很認真教我們，把所有知識傳授給學生。若有什麼問題不懂，或有煩惱跟困難，都可尋求幫助，就像春雨一樣。老師常常告訴我們：「一句好話，就像冬天裡的太陽讓人覺得心暖舒服；一句惡語傷人，就像蛇會咬傷人一樣。」還說：「不要懶惰，好好的過每一天，時間不會停下來等人。」

老師，我很謝謝您！若沒有您的教導，我可能還不懂事的像小娃兒。老師，謝謝您！未來，我在求學的時候會努力讀書；畢業後，會認真工作，好回報您的教導。老師，謝謝您，您辛苦了！