朗聲四起

potngor ila ka hahila: ’am kaSlatar ray kakiS’ol’olae’an kakiSka:atan. haeba:an ka ’aeh’aehael mowa:i’ patSoSowaw. mahoero: yami kiSka:at rini, yami naka ’aehae’ taew’an kakaykayzaeh a tomal, rini ’akoey ka ’ima kayzaeh ma’ hayza’ ka ’ima ’omahowiS ka’az’azemen.

Sahpi:ih ila ray haeba:an kaSangayan, yako ma’ rima’ ila ray kakiSwazwazan kakiSka:atan ’am kiSka:at ila. ’oka’ o, ya:o maSriyae’ a tomal kakhayza’an mita’ pinakakSiyae’an hahila:. mak’aehae’ kamatortoroe’ ma’an rengreng ka’az’azemen ’oyaeh, siya pakpakaysawa’an.

kamatortoroe’ ta:in rengreng sawsawa’an, ki siya ma’onhael kayzaeh ka hina’azem, ’ana hiya’ ma’onhael ma’ repe’en nisiya. kakhayza’an ya:o hila:an kayni’ maShaha:i’, ma’ ma’az’azem kamatortoroe’ ’am tomortoroe’ o ’am ponrowa’ mita’ ka kina:at hopay a tomalan. ’isa:a’ ya:o nonak rima’ komi:im hi siya Sa’, ’am tomilhaelhael. siya makSa’ Somiwa’ komoSa’, “ ’a:ay! ” yako ’okay ’angangi, ’okay koSa’, “’omayboel hi siya ’am matawaw.” siya makakreng tomortoroe’ ’iyakin, ’am nak’ino’ matawaw? nak’ino’ mayaka:i’ kayzaeh?

kamatortoroe’ So’o ma’alo’ a tomalan! ray kakiS’ol’olae’an kakiSka:atan malahang a tomal ’iyakin o tomortoroe’ ka kinra:aman ’iniya’om. So: ’oka’ ka tinortoroe’ niSo’, yako ’am haSa’ ma’az’azem naka ’o’owa’ nanaw. kamatortoroe’ ma’alo’! mayhael ya:o kiSka:at ma’ ’am mahoero: niSo’ ka tinortoroe’ makakreng kiSka:at, So: kaSlatar ila ma’ ’am makakreng matawaw, Sobaeh niSo’ ka tinortoroe’. ma’alo’ kamatortoroe’, So’o pakhopayen ila!

畢業季節，回想老師及充滿回憶的大家庭，許多不捨。國中，仍懷念國小，也想念老師。ta:in老師讓人感受到快樂的氣息。以前中午不想睡覺，就自告奮勇幫老師。老師讓我當小幫手，教我如何做事、說話。

老師認真教學傳授知識。若有不懂或有煩惱困難，都可尋求幫助，如春雨一樣。老師說：「好話，如冬天裡的太陽讓人心暖；惡語，如蛇會咬人一樣。」老師，謝謝您！沒有您像娃兒般。未來會努力讀書、會認真工作，回報您的教導。您辛苦了！