朗聲四起

Maaq dau ka masnanava sia ki masnanava bunun tu bunun. Maaq a masnanava ka, nitu kaupa ihaan ka’ku, haiza ilumaq, haiza amin ihaan duma tu dangi’anan. Maaq aingkaa maqtu masaiv bunun i taiklas siin qansiap. Maqtu amin mapinkangna ki bunun tu iniliskinan. Inaam masnanava masnava zami malasBunun tu isisipul, “ tas’a, dusa, tau, paat, hima, nuum, pitu, vau, siva, siin mas-an. ” uqna’uun aam masnava masipul i malasBunun tu patasan, tupa ka masnanava tu, asa ata tu maqansiap masipul imita anak’anak tu patasan. Isnavaan aam masipul tu “ ba ”, “ bi ”, “ bu ”, “ qa ”, “ qi ”, “ qu ” siin “ za ”, “ zi ”, “ zu ” tu isbabazbaz qalinga.

Maqansiap naam masnanava itu taikiqabasan tu sintusasaus, isnava’an aam tas’a sintusasaus, maupata dau tu; “haiza dau tas’a qalua na ansaqan i bainu. Aupa nii dau aipa maqtu tisuknu ki bainu ta a, musqa dau aipa tinqading a bungu mudaan. Isnavaan aak bai “ pisdadaidaz ”. Taqu’an aak bai naak tu. aupa madaingazin aak, makusia aak tusasaus ti ma’insun inaak mailalangna. Maqtuang amu nitu panpungul i inaam madadaingaz tu sinhihiqin.

Isnavaan aam madadaingaz itu mailantangus tu islulus’an, pinhamu’un aam malastapang ihaan lus’an Malaqtainga. Maaq dau ka malastapang un a, pistaqu duma bunun i anak’anak tu ngaan, siduq, a taqu ki qainanup siin mapakakavas pa’is tu kainikuzaan. Masamu tusmang bazbaz. Aupa na saduan i diqanin, nakatamalun amin i duma bunun.

Na malastapang aak patan’a muu tu ; “ Hu! Hu! Hu!, tuza dau tu, uva vaz’az, asa dau tu, mal ma nanu, namin’uni ma sial bunun. Uka du ma, na’isbaz baz, taingkana’ian. Hu! Hu! Hu! ”

老師是教導的人，能夠傳授智慧與知識，也可以導正人心。教導我們讀數字。唸布農族語文字，「ba」、「bi」、「bu」、「qa」、「qi」、「qu」「za，’zi」、「zu」。

老師會唱從前的歌謠，一隻螞蟻要扛一粒花生，由於無法承擔，只好歪斜著頭，因為扛不動。祖母教唱惕勵歌，鼓勵我們不要忘記老者的勸慰。父親教導我們，不要模仿跛腳的人走路。耆老教導我們古時祭典，在射耳祭時，讓我們參加誇功宴，告知別人自己的姓名、氏族，獵物數量。