朗聲四起
tisun a naqemati, pay! qatiu a u aljak a uqaljay,sa na caljeqil a patje kemeljang tua lumeljakan nimadju; na rakac a kicacevungan tua rekutjan; nu napenaqulid sa sekapalak, ikana seljevang; nu na djemalim tua kemudanga, kamayan ana kisarenguaq na kikateku.
pay! qatiyu a u aljak a uqaljay, tu ika amin a misepi sa inika kipakakuda; tjiyaku timadju a kipakeljang tjanusun, sana kemeljang uta, nu tja sinepualangan a titjen a macidilj, avanazua kataladjan a kaqulidan a kinljangan.
kiqaung aen, ulja su tjiniyak a cemiyur timadju tu inka kikavulj tana seljenguaq, sarunguaq. nu pasutailjen sa paseljavak ta na maqezetj, na pazangal katua na makidjaulj, lja kicaquan a migagicilj itua maljekuyakuya raljiz, sa katulu a pasetjurudj tana mitemezengan tua sadjelungan a sekapalak a caucau.
pay! qatiyu a u aljak a uqaljay, tuna masenaw a vinarungan, na paljiacadja a tjinaljiqaca kininemeneman; ulja nuri kisangas a venalidi ta qaliqali, ulja kemeljang a venalidi tjaimadju a macidilj i sangas;
nu namasan nimadju anga kiqaung a paridiw, uri kikavulj anan a en, pavay anan ta na mapautez a tinaliduan a kinacaucauan, ulja maqati tu maljiyaljiyan sa na zemangal a sikipakakudan, sa ikana paselaw a sikikavuljan ta timadju a macidilj.
pay lja! pavay ta na kisiyaq na kikatekuan, ulja pinaqenetj a patjemamiling, inikana paruanema itua kaqulidan a pinaqaljay a ljiyavavaw a ngadan, na macelak tu sekeljang ita kaqulidan a kakeljangan, na salapelj semarunguaq itua kaqulidan a rakacan.
numaitazua nga, tiaen a na masan kama, temuru anga pagalju a rukay: “ ikana mapiteval a u kinaikacauanan.”
saka na saljinga en tu venarung itjen tu tja kudain a qemeljing a pusaladj a mareka tja aljak, sana pupicul, puqizing a kicacevungan tua kakemudain anga i kacauan. a na makirangez a kinalingdjeljan, kitjen a na saceqalj a tja vinarungan a na kisan kama.
本篇出自「麥克阿瑟為子祈禱文」。