朗聲四起

ta sicuayan izua za milimilingan a mayatucu, kipaqadaqadaw azua qatjuvi a vulung i vavaw ta tjagulj i vecekadan ta vacalj, ljemita ta qadaw emapuapu tua saviki sakamaya azua qadaw. “ aicu a timadju ” aya a qadav. sa tjangetjangan ta apu sa kelui, sa kani ni qatjuvi. ta cuacuay anga manu mavungelay a qatjuvi sa qemacilu tu ita qacilu, inika cuacuay mavuaq tu macidilj a caucau a vavayan, sa paka ti muakaikay anga zua.

izua kaita qadav, qemaljuqaljup a mavukid ti kuljeljeljelje, maqusaw timadju, sa vaik a kemim ta zaljum, manu pacunan azua maljiyan ta bulay aravac a vavayan, naqemiladj i vavav ta tjagulj i vecekadan tua vacalj a gemarugaruc tua quvalj. pacun ti kuljeljelj tu maledeledep anga qadav, marekutj tua kasuleman saka ginagaljan na i gade, aki kemudanga cu aya. qaqivuin, “ ari saqinaljani maya tjimaza ” ayain, manu inika temevela azua vavayan, kipuvarung ti kuljeljelj, sitapaw ta kaizuanan, sa pecenguan tua sikingidju, tua pasecacadja ta qemuziquzip, sana vaivaik timadju.

ta tjumaq ti kuljeljelj pasemalavan a kina tua anema sincevungan, sa papaulingavi a kina ta vinarungan nimadju, tu izua tjenglayan tazua vavayan, gata inika selaing a varung na kina, marekutj a kina tukianema nu caucauan azua vavayan, kinemenem tua vaik a kiciyur tjai kuljeljeljelje a sema gade a kitjaljaqulidan, saka kilautan a pakipavalit tua itung, ulja tjen a vaik a sema umaq ayain, tua uri pakipavalit na kina, manu miseleman a kalevelevan, zemung a mezangal sa celalaq uta, a ladjap na celalaq mapateljar a ququlj nazua vavayan, mapacun azua i tjai kanavalj a vincikan ta pinaruqadav azua i tjai kaviri izua zavincikan ta pinaruqaselu a vulung, pacun azua kina paseleman a kipakakirimurimu a kinacavacavan ta itung, sa qaqivui tu cikelen anga, “ kimangtjez angamen a malap tjanusun ayain ”.

sepualang anga ti muakaikay tu anema sipangtjengtjez niamadju. sa kisenai a maitucu, “ ulja izua maljetapuluq a ku sasekauljan, ulja izua ku umaq a pukaljuvuljuvung ta djaraljap i kacasavan, sa pinuljakayan, a i pasazayazaya, a i pasulaulauz, a i pasanavalj, a i pasaviri, ulja tjara matja taidaidai a paljingan na umaq ” aya, sa galugu anga a caucau sa gemurugur a vatu. nu anema sikisenay nimadju anema a maalang. ta mangetjez ti kuljeljelje a pucekelj, na semanljakay tua cinusu a mulimulitan, sa pasan simuluqi a ljemakay a pasanavalj a pasaviri ti muakaikay.

有條百步蛇在湖中巨石吸收日月精華，太陽每日以檳榔為食，而蛇就懷胎生了一個蛋，過了不久，蛋孕育出女子。 

有位獵人打獵時，感到口渴，在尋找水源時，遇見女子坐在湖中大石上梳頭。他怕女子留山危險，邀她回部落，但女子不願與他回去，便搭起棚子生火，使她不受毒蛇猛獸的攻擊再離去。 

他跟母親說想娶她入村，母親覺得不妥，因為不知道女子是人是妖或是靈，想要試驗她，男子母親藉故要替女子更衣，以便帶她回家，正要替她脫衣時，天空暗了下來，雷聲大作，閃電餘光映在女子背上，右肩有太陽圖案、左肩有杵臼的圖案，杵臼上面有百步蛇的圖案，男子母親用衣物蓋住女子的身體，說隔天迎娶。

女孩唱歌祈求，巴不得我有十個隨從、一棟宅子，門前有大樹，大樹有鞦韆，有上村與下村的居民，還有狗在村裡吠，一下子，全部都實現，隔天他們來迎娶時，女子坐在用琉璃珠串成的鞦韆上左右各擺盪十次。