朗聲四起

tiamen a paiwuan a caucau, seman pazangal aravac amen tua langalj. aicu a langalj, kasiv a inalang a sinanljaljagayan, maqati a tja siuseljang a madrusa a patatekel. aicu a langalj izua vincikan a pinaruquluquluan nu ika kinumasan, izua vincikan tua pinarusacemel, izua langalj a vincikan tua pinaruvulung uta. a sikanamayatucu a vincikan nua tja langalj, ulja namapaqenetj a tjaucikel katua caquan nua tja sevalitan aya a pacugan.

pinaparetimaljimalji a langalj nua paiwuan: izua karutailj a langalj katua kaljudrusa a langalj. aicu a karutailj sipaqaljaqaljay siteketekel ta sinuqasav nua mamazangiljan. aicu a kaljudrusa a langalj siteketekel nu qemacuvung ta pacugan ta rivurivuan tu uri na marepazazekazekatj anga tiamadju, sa tekel tua kinarasudjan tua maljaljenguanguaqanga tu mamav anga a varung niamadju.

aicu a pinudrusan tua ljui a langalj, izua masan liyaliyav a pacugan. aicu a sangasangasan avan nu tjezua ta namasan pazangal a qadaw namaya tua masalut, langalj a sitekel nua na palisi a marekapulingaw. a itua kinateveteveljan nua taqaljaqaljan, langalj uta tjasikitekel tua namapaqaljai a caucau i qinaljan, tua mareka tjaqali, katua mareka tjaqaljaqalja. aicu a sikamasan musalj, avan nu mavaeces a madrusa, inika palaing tu uqaljai tu vavayan, langalj a sitekel niamadju a kipakeljang tua kina mareqaliyan, kina maredravaan niamadju.

manasika aicu a langalj maru sinikipakeljang tua namaitanga a varung , pinakacuan tua parekiljivaljivak, parepazekazekatj, tu namaljaljenguwaq tu namaitanga a kinacekeljan a kinaqinaljanan.

連杯以木頭製成，是兩人可以同時乾杯的盛酒器。上頭刻有人面紋飾、動物圖案或百步蛇紋。連杯有很多樣式，有單杯及雙杯之分。單杯是頭目在典禮中專屬的杯子。解決問題時用連杯，協商時舉杯表達共識，佔有重要地位，收穫祭時巫師們施法祈福、向敬重的人或尊貴的客人致意、立約儀式、分享喜悅等。結婚時以連杯見證堅貞的愛情，婚禮中新人要相互敬酒，包括雙方的主婚人、列席的頭目，也以連杯表示成為一家人，表達相通相連的心意。