朗聲四起
seman paqeteleng aravac a kuning tua ginaljuan nu djemavadjavac a tjangurunguru, tjaliyaw nu misakemudamudan a kuning a seman paqeteleng sa qivu tua tjangurunguru a mayatucu: “ nu mekelj aken tu tadjekuacan, kisun a 3 a tukiyan(zikangan) a djemavadjavac pai ” ayain ni kuning. ljakua inika napakapaqulid tusa kai ni kuning a tjangurunguru, saka uri malalumalj timadju katua kuning, tuki tima angata a uri tjaisangas a djemaljun tua pinnetj tu djaljunen niamadju.
kapatagilj a mekelj tiamadju, kisamulja sa papedjaljaw a mekelj a pasaqayaw a kuning, gemaljugalju a kitjavilivililj a tjangurunguru. djaljaw a paqulid a kuning, pinalamua mavavaik anga aravac tiamadju, kapalikuz ti kuning inianga ka mapacucun ti tjangurunguru, kinemnem timadju “ tjamanguaq a taqed anan aken, kumalji akemuda iniangata ka uri makavuta tjanuaken ti tjangurunguru ” aya. pai sa napaparangez ti kuning sa kisili tua qaciljai sa taqed.
segaljugalju a tjangurunguru, ljakua iniangata ka malunai timadju, kisamuljamulja sakamayan a mavavuvavui a pasaqayaw, pai kacemalivat timadju tjai kuning, varequrequng anan ti kining, uitu langasengasengas, tu mapurpurpur, tu namaqusaw, tu na mazeli anga ravac timadju, ljakua na kiqadilj sa papuljapuljat tua picul a mavavui a pasaqayaw timadju. pai cuai aravac timadju i djalan, ljakua kavililj anga djemaljun timadju tua pinapapenetjan tu djaljunen.
ui tu gemalju aravac a tjangurunguru, ljakua inika malunai timadju, sa kisamuljamulja sakamayan a pasaqayaw, pai kavililj anga djemaljun timadju i tua pinnetjan tu djaljunen niamadju, saka ti kuning kapaceged sa ukelj a djaljava aravac, ljakua cuai anga ti tjangurunguru izua kaljavaljava tjaimadju. pai ui tu martimaljimalji a tja caquan kata tja picul, ljakua nu kiqadilj sa pazurung itjen, tjara maqati itjen tua kemudanga.
兔子瞧不起烏龜走路的速度，烏龜很不以為然，牠決定要和兔子比賽，看誰先跑到終點。比賽開始，兔子努力地往前跑，烏龜在後面慢慢地爬。兔子就放心地靠在石頭邊呼呼大睡。烏龜雖然慢，但一點也不偷懶，牠努力地爬，終於到達終點。兔子一覺醒來，匆匆地趕到終點時，烏龜早已站在終點向兔子打招呼呢！
雖然每一個人的才華與能力都不同，有時我們做事動作比別人慢，但若願意持續努力，我們一定什麼事都會成功。