朗聲四起
ka masulesulem anga djemaljun aken i tjumaq, qivu ti kina i ljeljeng izua sinipavai nua marka kedriyan tjanusun a cinavu qadjaw kianema aya. ku vaiken a pacun sa ku suvengtjan a galasu, namapeljuq tua luli. “ki kasinu aicu a luli ” aya ken a nasamalji.
sepaqenetjan aken tua ku kinakakedriyanan. nu itua qemudjaqudjalj nu pulavalavai a i gakku, tjalja malevan a kakedriyan, inika amin a malaing a varung tua kivangavan, maqati uta a ljemulju tua marka luli. nu liyaw anga a qinpu a luli, kacuin anga pasatjumaq, sa izuanga a sandjamain nu kaiv a i tjumaq.
tucu a qadaw, vilivililjan anga tai gakku, uri pulavai anga tua kaljavuceleljan, djaremdjemdjem uta a qadaw, a kakedriyan i qinaljan, kamangtjengetjez a kemasi gakku tiamadju, pai djemaladjalan a kiluli, sa tevteveljen a kiniluli sa peljuqi a kudrakudral a galasu, sa kacui a pasa kiukai, tja sipavai tjai buksi aya tiamadju.
ki uri ku kudain anga aicu a marka luli a inalap nua kakedriyan, ayatua azua ljinulju a kasikadjalanan a luni, inika nanguaq a tjakanen, ljakua lemeva aravac aicu a kinipuvarung tu pakaleva nua marka kakedriya.
namaya uta ka tjaisangas a kadjamadjaman, izua macidilj a ti kina a mangtjngetjez a pavai tua tjaukavangalj tucu a cavulj a manges (raiking), samalji aravac aken “ aku izuanga a manges(raiking) a namalum anga a tjaukapavalit a cavilj” aya ken a kivadaq. temevela azua ti kina “vangalj aicu ka tjaisangas a cavilj ka 9 a qiljas, pinaka gingging a manges (raiking). mamaw tua gingging a kinaqaljemqeman aya ti kina a pasemalaw. sangasangasan a vangalj nua manges (raiking) tucu a cavilj, sedjaljep angata sipavai a pagaugaw tua Cemas aya, a pakeljan tu izua kisenai nua Cemas tucu a cavilj aya timadju.
namayatucu a kinananguaq nua i qinaljan, nu kaljanemaneman tjara sekanen itjen a mapuljat, nu izua a nema nananguanguaqan tjara tja sikamamamamaw.
寒假的最後一天，天空下了整日的毛毛雨，課輔班的小朋友，結伴沿路找蝸牛，將白色袋子裝滿，帶回來要奉獻給教會、牧師，雖然不知道如何處理蝸牛，內心卻好感動，如同上個禮拜天清晨一樣，有姐妹帶著初熟芒果來教會奉獻，我驚訝地說：「現在才二月初，怎麼會有澄黃的芒果呢？愛文芒果不是才剛開花嗎？」這位姐妹解釋說，這是九月開花的龍眼芒果。是第一批的初熟果子，獻給神、分享給大家。部落生活就是如此，總是想分享給其他族人。