朗聲四起

kamasulesulem a djemaljudjaljun amen i tjumaq, qivu ti kina i ljeljeng izua sinipakaleva nua markakedriyan i qinaljan  tjanusun, aya. “ sa-u pacunu a sema papiliman. ” Aya. samalji aken sakevaik isauniuni a pacun, izua qinpu a cemavu a pigalasu, kaku su vengtjan a galasu saku pacuni, namapeljuq anga maqaqiziqizing a luli. “ a-yu, kasinu aicu a luli ” aya ken a napasa samalji.

sepaqenetjan aken tua kinakakedriyanan. nu seljavak men tua qemudjalj nu pulavalavai a i gakku, tjalja malevan a kakedriyan, inika amin a malaing a varung tua kivangavan a kipaqudjalj, maqati uta a remacemcemalan a ljemulju tua djaravaravac a kipaqudjaqudjalj a marka luli. nu liyaw anga nia  qinpu a luli, niakacuin anga pasatjumaq, izuanga a sandjamain nu kaiv a i tjumaq.

Tucu a qadaw, vilivililjan anga qadaw taigakku, uri pulavai anga tua kaljavuceleljan, djaremdjemdjem a uta qadaw, kemasi kadjamadjaman a patjemasulem. a kakedriyan i qinaljan, kamangtjez anga a kemasi gakku tiamadju, pai madjadjaladjalan tiamadju savaik a kiluli a djemaladjalan, tevteveljen a kiniluli sapeljuqi a kudrakudral a galasu, sa kacui a pasa kiukayan, a uri sikingking a pavai tjai buksi aya. inikaken a kemljang turi kukudain anga aicu a marka luli, azua ljinulju a kasikadjalanan a luni, inika nanguaq a tjakanen uta, ljakua lemeva aravac aicu a kinipuvarung tu pakaleva nua nua kakedriya.

namaya uta ka tjaisangas a niciu a kadjamadjaman, tjaukaljiya, izua macidilj a tikina a mangtjngetjez a pavai tua tjaukavangalj tucu a cavulj nua manges(raiking), samalji aravac a men “ aku izuanga a manges(raiking) a namalum anga a tjaukapavalit a cavilj? matu tjauvuciyar a manges(raiking) ” aya men a qivadaq. temevela azua ti kina, navangalj aicu ka tjaisangas a cavilj ka 9 qiljas, pinaka gingging a manges(raiking) aicu. mamaw tua gingging a kinaqaljemqeman aya sinipapungadan aya ti kina a pasemalaw. sangasangasan a vangalj nua manges(raiking) tucu a cavilj, sedjaljep angata sipavai a pagaugaw tua Cemas aya, a sinipakeljan tu uri izua kisenai nua Cemas tua manges(raiking) tjanuamen tucu a cavilj aya timadju.

namaya tucu a kinananguaq nua i qinaljan i kacalisiyan, nu kaljanemaneman tjara sekanen itjen a mapuljat, nu izua a nema nananguanguaqan tjara tjasikamamamamaw.

寒假的最後一天，天空下了整日的毛毛雨，課輔班的小朋友，結伴沿路找蝸牛，將白色袋子裝滿，帶回來要奉獻給教會、牧師，雖然不知道如何處理蝸牛，內心卻好感動，如同上個禮拜天清晨一樣，有姐妹帶著初熟芒果來教會奉獻，我驚訝地說：「現在才二月初，怎麼會有澄黃的芒果呢？愛文芒果不是才剛開花嗎？」這位姐妹解釋說，這是九月開花的龍眼芒果。是第一批的初熟果子，獻給神、分享給大家。部落生活就是如此，總是想分享給其他族人。