朗聲四起

Lumaka padulruane ku sangiragelanane madu, pakaduay madu ku aungane si lakasasulivate madu apatuatumane, si pangiesay ku takipuaungane madu, amialringa kuini ku vaga ki tarudraudrange.

Ikay ki Ngudradrekay taypiane ku makucingalre ku atarapangimiane madu padulru kipadulru sarubu ku lasangiragelanane, ngiraragele suragele ku sangiragelanane, lukaimaikaikay makailuku ku lasaarakaiyane ku rarukudrane ku satuatuamane, lripakakucingalre su, lrikualri su, kaisu lrisavaiyane.

Ku sangiragelanane ki lringudalrane, lulrialupu, lulrimubabadhane, lulritulrisiisi, lulrimukiwkay, lulrimulringpange, lulrikiangatu, lulripalraulraw, lulrimugaku, lulrisanpange, kiapadulrunga ku sangiragelanane, lamakakay asikalra ngusuadraw, athingalane, makapangikesa, patulrepenge ku aungane.

Lakaika amani kikay sikakaathane, kay Ngudradrekay padududulru ku sangiragelanane ki labaibay ku laimay lasilu, ku sangiragelanane kithareve mupalrapalrane, mua ki kiarakerakete, marudrarudrange. ku sangiragelanane ki sawvalay ku labiti, ku edrete, ku tukudru, ku lrabu, ku lraili,ku kuange, ku idiri, ku kadray si lrisaisi.

Ku mathaithariringa si makuciaciangalrenga ku sangiragelanane, amani kikikay athingalane ki vaga, ki pacase, ki kakuakudhanane ki cekele, ki takaumaumasane, luikaiyane ki cekele, ki retesane, ki tacekecekelane, arua drimadrima ku tathingalane madu ki manemanenga, aladulru mucungulu ku lrigilane ki tarudraudrange ki takangudradrekadhanane madu.

Sanakai madu kakalithi ngiragelane, kakadrua ku pangiaragelane maduane, matiakuru madu, pathimithimi madu, sanakathariri ku tangiragelanane madu, lrikaesay,  lritaracekecekele, lritarakiraragay madu.

事前裝備齊全，已經成功一半，準備充足，做事才會順手。魯凱族重視及早安排，若不備齊，做事難以進入狀況，工欲善其事，必先利其器，事半功倍。魯凱人一生都在打理做事的工具，男人的迷你裙、頭帶、禮刀；女人更多，還有出嫁時禮服與琳瑯滿目的飾品。

自己不認真，不重視預備的功夫，又沒有旁人關心協助給予打扮裝填是最可憐。好整以暇，整裝待發，會得利，會成家立業，會是幸福快樂！