朗聲四起

Lu maka padulruane ku sangiragelanane madu, pakaduay madu ku aungane si lakasasulivate madu tuatumane, si pangiesay ku takipuaungane madu, amialringa kwini ku vaga ki tarudrawdrange.

Ikay ki Ngudradrekay taypiane ku makucingalre ku atara pangimiane madu padulru kipadulru sarubu ku lasangiragelanane, ngiraragele suragele ku sangiragelanane, lu kaimaikaykay maka iluku ku lasaarakayyane ku rarukudrane ku satuatuamane, lri pakakucingalre su, lri kwalri su, kai su lri savaiyane.

Ku sangiragelanane ki lringudalrane, lulri alupu, lulri mubabadhane, lulri tulrisiisi, lulri mukiwkay, lulri mulringpange, lulri kiangatu, lulri palraulraw, lulri mugaku, lulri sanpange, kiapadulrunga ku sangiragelanane, lamakakay asikalra ngusuadraw, athingalane, pangikesa, patulrepenge ku aungane.

La kaika amani kikay, kay Ngudradrekay padududulru ku sangiragelanane ki labaibay ku laimay silu, ku sangiragelanane kithareve mu palrapalrane, mwa ki kiarakerakete, marudrarudrange. ku sangiragelanane ki sawvalay ku labiti, ku edrete, ku tukudru, ku lrabu, ku lraili, ku idiri, ku kadray si lrisaisi.

Ku mathaithariringa si makuciaciangalrenga ku sangiragelanane, amani kikikay athingalane ki vaga, ki pacase, ki kakuakudhanane ki cekele, ki takaumaumasane, lu ikayyane ki cekele, ki retesane, ki tacekecekelane, arua drimadrima ku tathingalane madu ki manemanenga, ala dulru mucungulu ku lrigilane ki tarudrawdrange ki takangudradrekadhanane madu.

Sana kai madu kakalithi ngiragelane, kakadrua ku pangiaragelane maduane, matiakuru madu, pathimithimi madu, sana kathariri ku tangiragelanane madu, lrika esay,  lritara cekecekele, lritara kiraragay madu.

事前裝備齊全，已經成功一半，準備充足，做事才會順手。

在魯凱族的生活中，重視裝備及早安排，若不備齊，做事難以進入狀況，無論是去田裏、去打獵、去外地、去活動、去上學、去教會、去林班、去上班、去輪工，工欲善其事，必先利其器，事半功倍。

魯凱人一生都在打理做事的工具，還有必要的禮服，像男人的迷你裙、頭帶、禮刀；女人更多，還有出嫁時禮服與琳瑯滿目的飾品，母女滿心期待結婚日。許多知識的裝備，更是無法消失的資產，除一般知識，還要追求更專業的能力。

自己不認真，不重視預備的功夫，又沒有旁人關心協助給予打扮裝填是最可憐。好整以暇，整裝待發，會得利，會成家立業，會是幸福快樂！