朗聲四起
yonto hcuyu ’olivu ’o iesu, yusuhngu ho mi’usnu to ’o’oko no tmopsʉ, ’o petelo, yakovu, yohane ho i’o ’antole, ihe auc’oc’ova tuocosi ’o iesu. “ tekon’a eʉsvʉta a’mi, ho homna nate esmi ’emo maica ci hi’hioa, honci esmi eni, pano ntee ake’a humii(humzi)? ” isi eʉsvʉta to iesu ho yainca. “ temula bumemealʉ, ’otes’a noa pasloʉngvi ta cou, mo botngonʉ ci cou ’o tena boemi ta ongko’u ho mainca. “ ’a eno a’o ’o kilisto. ” hocu pasloʉngvi namo ’enepio ci cou. ’otela nomio no ehtothomʉ tamo cum’u, ho inoisi tac’ʉhi ci yu’susuyumo ne covhi ho yamci. ’emo maica ci hi’hioa tena ahtuo’te yuyafo, at’inghi o’a isi yainca micu sʉc’ʉhʉ no puesona ta lekisi.
’emo cono suezopʉ tena ehtothomʉ tomo h’unano suezopʉ. ’emo conci hpʉhpʉngʉ tena suyumo tomo h’unano hpʉhpʉngʉ, tee nongabo na motoevi ho seova. hote esmi ’emo maica ci hi’hioa, aʉlʉ mais’a ’o mamespingi hola ahoi congo hote yayo ’o oko. ”
temula iachi bumemealʉ, maica tahela’so tʉtpʉta muu, ho e’usna to hooin. temu yonto kaito ho noa ti’usna, temu nomio a’o, yac’ʉ to tuhcu tola atʉkcʉ ho ito honte ’akasi ’e fukuin. at’inghi ’e fukuin tena ahtao’te auevan’a psoecʉ’ha ta yatatiskova. ho tehe tʉtpʉta muu ho e’usna to hooin, ’ote auyu ma’tipvongʉ no cuma na tee e’e.
tamula teolʉi ’o tee meaapayo’ʉ ci isi so’eʉsʉ’nova ci macucuma, mo yac’ʉ to o’a ntesi yac’i. ho mio, namo yono yutaya, ntee p’usnu to hcuyu ho totoefʉngʉ. namo yono sofʉ, ’otena ohpueho ho yʉmeʉmʉ ta emoo ho mayo no macucuma. namo yono ezoezoyʉ, ’otena maine’e ho mayo note aoskopa. to hiesi ho mio, i’omo ngangho’ʉ ci mamespingi, ho inamo paun’u ci ino, tena ’atutumio(’atutumzo). temu ’oinoli to hamo ho o’te poa esmi no hosoyʉma ’emo maica ci hi’hioa. maica na hiesi ta meaokv’ʉ, ahoi ho ohsin’a teai to hamo ’e hpʉhpʉngʉ, o’amocu mosola ahtu auyu esmi, maezo o’anantee ahtu i’vaho esmi no ataveisi. honcisi o’te enanʉhta to hamo na hiesi no meakvo’ʉ, uk’a cite meelʉ yaa nsoua. at’inghi, nomio(nomzo) ta ohsila epeia ci mao’o’okosi, isicu enanʉhta ’o hiesi ho mio.
耶穌預言末世將有戰爭、地震、饑荒，像產婦的陣痛，是末日來臨的徵兆。信徒會因信仰遭受逼迫，需在掌權者前為福音作見證，但不必憂慮當說何言，因聖靈會指引他們。福音必先傳遍萬民，堅持到底者必得救。當看見「毀滅性可憎之物」出現時，民眾要迅速逃離，特別是猶太地的居民。災難將極為嚴重，若非上帝為選民縮短災難的日子，無人能存活。整段話提醒信徒警醒堅忍，信靠上帝的引導與保守。