朗聲四起

Masa habasang, Bunun hai takisia uhaivas vali tu bukzav, cis-uni kan-asangun mas vaivi siduh, musasu nakilim mas bahlu tu nakahuman siin hanupan, at dungzavin mai-aupa sia ludun. Malvavaaz sia mishang ludun, kata Bunun hai mamantuk tu takisdaza tu siduh.

Is-upa sia tautu-saba painsanan tu tanangaus, Bunun hai kitngab maisna sia Nantu macinlushu, Takbanuaz mas Takivatan hai aiza mai-aupa sia Kalingku, aiza Isbukun tunlansan mishang ludaun mai-aupa sia maklangan tu Takau mas Taitu tu ludun.

Mais kanasia taulushutan sadu, i-sia tastu Tai-uan iskaupakaupa tu vaivi siduh, mastan istamasazan mahtu taulushulushu hai kaupa mas Bunun.

Bunun hai mainuum tu siduh, Takituduh, Takibakha, Takivatan, Takbanuaz, Isbukun sinmas silansanunin vaivi siduh tu Takipulan.

Masa habasang, Bunun hai tasatasa tu siduh min-tastu-asang, tauksisia hai malampuk kalumah. Mais aiza vaivi siduh anis niitu tauksisia tu siduh kan-asang hai, nautu kaz inbasun.

I-sia Bunun tu a-sang, aiza tu tatau paliskadaan. Tasa hai madaingaz, dusa hai is-amaminan, tau hai lavian.

Matauntaun tu buan hai pailas-uni tu na-malisvala at na-katsi-alan mas maduh, mangava tu buan hai pailas-uni tu mapusbai mas nais-inkuang.

Itu Bunun patutu-iun hai aiza tu maitau: tasa hai tultul, dusa hai hunghung, tau hai latuk.

Katsia Tai-uancin tu Incumin, ngaus sahalan mas tastu dalahcin hai siamas Bunun. Aupa i-sia tastu-mas-an siva saba ma-imaun han dusa tu painsanan, Lipun tu Hiculungcu hai i-sia malka huzas tu tastu muampuk, mapata-aza mas itu Bunun tu Pasibutbut, masa tai-aza hai cinghuza daingaz. Aupa tastu dalahcin hai inukang maupacia tu sinkahuzas.

Bunun tu islulus-an, mastan laupaku hai-iapun mas duma tu siduh hai, sia Manahta-ngia, malastapang, pasibutbut. Ana-asa kata tu makastaan sahaal at mapitpung sia Zinsikai mas pinala mailantangus tu taiklas.

布農族早期居住在西部平原，因外族侵略與耕獵需求，遷徙至山區。約300年前，自南投中央山脈分別往花蓮、高雄與台東遷徙，形成卓社、卡社、丹社、巒社、郡社及已同化的蘭社六大社群。傳統上以氏族聚落為單位，若遭侵犯會集體討伐。部落中有氏族長老、巫師與統帥三位領導者。族人依植物生長與月相從事農獵。樂器有杵音、口簧琴與弓琴。布農族以射耳祭、報戰功與祈禱小米豐收歌聞名，應珍惜並傳承祖先智慧。