朗聲四起

comay si ikolaw ka malala’osay maagi’i na tyakadringay.

la’ikay ko va’iyane, lakadrowa ko dwapini. lapababaka, “manini paythayanita nakay sesane?” comay ka “ngwalra tapazazega” laya.

comay ka lasyo ’apobaka “ ngwlra kopasyo mosoa zega ”. lasikyaodro zega ko ikolaw. ko paepenininga ka lapacengele ikolawane. lakibobo “ kikay zegaili ka maagi’i nyani? ” ko ikolaw ka lapo’ananavane mabeabee, pakileve comaane zekayni ka sawkowa maagi’i mya. comay ka la’apobaka “kamanyanga koso zega nakoa, ano zegaiso ka paamawa ko zegaili mosoa.” ikolaw ka lapasyo zega ko toko’osini. lapacengele comaane “ nomyamade nakay zegaka maagi’i nyani? ” comay ka la’apobaka “ sawkoa maagi’i ”. ki ikolaw ka ’anga’igo’o, nodoiya ’angyaw comaane zegayni maagi’i. malimemeca laya comaane. lasyaeke ki comay. ki ikolaw ka, lapaibongo ’angico’olo ko bwatini emee na maycenge. epengininga ka lakokaw comaane cengela mya. comay ka la’angicacengele bwatidra angico’olo kizega na maycenge. lasawkoa magi’imoco ’apobaka “ kamyaso nakay ma’ilava nakoa? pasopaa kaki mosoa zega patisoagi’i. kamyaso patiya nakay zega nakoa. pasawkwanga koso nakoa paibate ma’ilava. ”

ko sakagi’imocini ka, kikay ladrodrosa ka lapa’a’oloco. kikay ladrodrosa ka lapaamaw ’abayli kadroa ka pawvikay.

ikolaw ka idoo si la’apokaba “ la’osay, mwaebatenga, ta’isadra ipa’a’oloconga. si poingavanga kosi nakoa. no bilanenga na walopili malra na bee ka, nokane mi kake na ogo’ini, si lasobili bwa’ay mosoa ’angico’olo ko bwatidra. ” comay ko bicingininga ka laso ’isasadra .

ko ma’avaga’ininga ka, ikolaw ka latikadringay ’angopapaa ko bakaini. sanaalraini na bee ka wakane na ogo kamanimani, lasobili ko bobwate bwa’ay comaane. nocengelini ki comay na kadrowa na ogo na bee ka, la kabeabee kwane itedra na padroo. waigo’o kikay ka sobiilini ki ikolaw mya.

熊和雲豹原是非常要好的朋友。某天，他們決定來畫彼此。

熊先畫雲豹。雲豹讚美熊畫得很漂亮。輪到雲豹畫熊時，知道自己不會畫得和熊一樣好，就請熊把眼睛閉起來，趁熊入睡後，雲豹將熊全身塗黑，熊看到被畫成全黑，很生氣就打起來了，打到彼此都精疲力竭。雲豹認輸了，為了表示歉意，跟熊說，獵到的獵物只吃內臟，身體留給熊。熊看到没有內臟的獵物，總吃到連骨頭都不剩，因為牠知道是雲豹留的。