朗聲四起

ko bowane Kongadavane ka ’iyakay na ’apapelengane. kikay ’apapelengane no mopelengini ka ’iyakay ko taiyanini abwale, lakadraw na kaisyane. pelenge ko wapipii laso doo kimade ’apapelenge. sikikay ko bobobowane Kongadavane ka amiya nakay ko siikacini.     

ana ’apapelenge myamade ka kikay ’abayane ka syaigo’o no masongonga no sipiini. tapasilikaanini nakay sisipi ka ’iyakay nakay congyang egeege na bao, acini ka Dalropadringane. si pongopongane tapelengane ka egeege, ’atapelengane ka bao. kikay pepelenge ka ano beceaceakane ka ’awkay ’angopalai mwa tacekecekelane. silape ko no’apapelenge amiya ko ’abayane. ko pepelenge no epengininga pii ka ’amalra ko Dalropadringane ko lamo’ini pwa nakay syaeke ’abayane patiliki.

lasilikaynga driyane doonga mya ’ikay tacekecekelane ’apapelenge. kikay ’apapelenge ka lapasipi ko wa’abibiki pasopaa nakay ba’owane no ’apapelenge mya. kikay pepelenge ka la ’avagaynga tacekecekelane. no mwani na myasi’ane ka, kikay ’abayane ’angaaigo’o ’iyakay nyane na pawvikay. lasikiyawdro i’apikanenga na do’o, ataleese madalame thenay, madalame kivengeay, kiswaswao, keakeay da’anini si tasyaekanini.

nakayla ko talinyane ka lasikiyawdro ’ayasii nakay valakini ’abayane ko sakakaini. Lakibobo ko ’abibibki. ko ’abibiki ka lacecengele ko sakakaini. no mopelengeninga ka lasikiyawdro ko pepelenge ’apobakabaka. kikay ’abayane ka lasikiyawdro ikane na do’o, i’ongolo na acilay, ikasiyaeke makamayday na va’iyane. latikadringai ’ikay nyane na pawvikay ’ikay na bwatini. lasikiyawdronga tikadringay ’apapelenge ’abiki.

doo malra pasilikay tabelengane na kasilivane na moimoikane, doo sapawvikaane twadramadramae legese, doo ’ithiyake mwa caai, i’ikay ko ’akolodrini.

多納部落以前有巫師，巫師產生有一定的過程和禁忌。巫師被選之前，會有感覺、會夢占。夢占是由遠在中央山脈的湖dalropadringane或其他聖湖聖山之神明，尋找要成為巫師的少女。神明選擇好後，會把dalropadringane湖的露水滴在正睡夢中的少女，神明也託夢給現任巫師。少女會感覺有種神力，開始不想吃飯，喜歡唱歌，採花草裝飾家屋、房間。

巫師觀察少女行為，現任巫師會宣佈成為主祭者，禁食好幾天，直到能力顯在少女上，就能成為巫師，有能力施法。